पुणे : संकटात वेळोवेळी मित्राकडून ७ कोटी रुपये उसने पैसे घेतले, त्यातील थकलेले १ कोटी ८८ लाख परत न करता, मदत करणाऱ्या मित्रालाच खोटी तक्रार करून अडचणीत आणणाऱ्या व्यावसायिकाला शिवाजीनगर पोलिसांनी बेड्या ठोकल्या आहे. अटकेनंतर न्यायालयाने या व्यावसायिकाचा जामीन अर्ज फेटाळला आहे.
अमित अरुण बजाज ( रा. क्लाऊड ९, कोंढवा) असे या अटक झालेल्या व्यावसायिकाचे नाव आहे. राजेश नंदलाल पेसवानी (रा. कोरेगाव पार्क) असे फिर्याद दिलेल्या व्यक्तीचे नाव आहे.
पोलिसांनी दिलेल्या माहिती नुसार, अमित अरुण बजाज आणि राजेश नंदलाल पेसवानी हे १२ वर्षांपासून मित्र आहे. यामुळे बजाज यांनी व्यावसायिक अडचणीचे कारण सांगून वेळोवेळी पेसवानी यांच्याकडून हात उसने पैसे मागून एकूण ७ कोटी रुपये आरटीजीएस द्वारे घेतले. ते परत देण्यासाठी वेळ लागत असल्याने दुकान, गोडावून पेसवानी यांना विकण्याबाबत करारनामा केला. मात्र, अरुण यांनी ते नावावर करून दिले नाही, ताबाही दिला नाही.
त्यानंतर, अमित यांनी हात उसने घेतलेल्या ७ कोटी रकमेतील पाच कोटी परत केले. थकलेले १ कोटी ८८ लाख परत करण्याचे पेसवानी यांना टाळले. त्यासाठी पाठपुरावा केला असता बजाज याने पेसवानी यांच्याच विरोधात खंडणी मागत असल्याचा खोटा गुन्हा दाखल करून अडचणीत आणले.
दरम्यान, उसने दिलेल्यातील थकलेली १ कोटी ८८ लाख रूपये रक्कम नोव्हेंबर २०२२ पर्यंत न मिळाल्याने पेसवानी यांनी शिवाजीनगर पोलिसांमध्ये बजाज याच्या विरोधात आर्थिक फसवणुकीची गुन्हा दाखल केला. पोलिसांनी भारतीय दंड संहिता कलम ४०६, ४२०, ३४ नुसार बजाजला अटक करून शिवाजीनगर न्यायालयात उभे केले.
त्यांना सुरुवातीला एक दिवसाची पोलीस कोठडी देण्यात आली. त्यानंतर (ता. २०)_डिसेंबर रोजी त्याचा जामीन अर्ज फेटाळण्यात आला. या घटनेचा पुढील तपास पोलीस करीत आहेत.
