Rajgad Fort : राजगड, (पुणे) : पुणे जिल्ह्यातील निसर्गरम्य पाबे घाटात रविवारी (ता. 28) सकाळी एक भीषण अपघात घडला. ऐतिहासिक राजगड किल्ल्याला भेट देण्यासाठी मुंबईहून निघालेली खासगी ट्रॅव्हल्स बस वेल्हा-खानापूर मार्गावरील पाबे घाटात खोल दरीत कोसळल्याने दोन पर्यटकांचा जागीच मृत्यू झाला, तर अनेक जण गंभीर जखमी झाले आहेत. Rajgad Fort
मिळालेल्या माहितीनुसार, मुंबईतील अंधेरी परिसरातील सुमारे 20 पर्यटकांचा एक गट वीकेंड ट्रेक आणि पर्यटनासाठी राजगड किल्ल्याकडे निघाला होता. रविवारी सकाळच्या सुमारास बस पाबे घाटातील एका तीव्र वळणावर आली असता चालकाचे वाहनावरील नियंत्रण सुटले. त्यानंतर बस थेट रस्त्याखाली शेकडो फूट खोल दरीत कोसळली. Rajgad Fort
अपघातानंतर परिसरात एकच खळबळ उडाली. बसमध्ये असलेल्या 20 प्रवाशांपैकी दोघांचा घटनास्थळीच मृत्यू झाला, तर उर्वरित अनेक प्रवासी गंभीर जखमी झाले. काही प्रवासी बसमध्ये अडकून पडल्याने बचावकार्याला मोठे आव्हान निर्माण झाले होते. Rajgad Fort
घटनेची माहिती मिळताच स्थानिक नागरिक, पोलीस आणि प्रशासनाने तातडीने घटनास्थळी धाव घेतली. हवेली आपत्ती व्यवस्थापन पथकाने स्थानिकांच्या मदतीने दरीत उतरून युद्धपातळीवर बचावकार्य राबवले. पथकाने बसमध्ये अडकलेल्या 18 प्रवाशांना बाहेर काढून उपचारासाठी रुग्णालयात दाखल केले आहे. Rajgad Fort
दरम्यान, अपघाताचे नेमके कारण अद्याप स्पष्ट झाले नसून, पोलिसांकडून पुढील तपास सुरू आहे. Rajgad Fort
