Pune News : दारू पिताना झालेल्या वादातून तरुणाला बेदम मारहाण केली. त्यामुळे या मारहाणीतून बचावासाठी फ्लॅटचे गॅलरीतुन शेजारील फ्लॅटच्या गॅलरीत जाण्याचा प्रयत्न करत आसताना तरुणाचा पाचव्या मजल्यावरुन खाली पडून मृत्यु झाल्याची धक्कादायक घटना घडली आहे. हि घटना मोशी येथील अनंत नगर तुपे वस्तीतील कॉसमॉस सोसायटीमध्ये २१ मे रोजी सायंकाळी साडेपाचच्या सुमारास घडली होती याप्रकरणी भोसरी एमआयडीसी पोलीसांनी तीन जणांना अटक केली आहे.(Pune News)
दारू पिताना झालेल्या वादातून तरुणाला बेदम मारहाण केली.
मिथिलेश लंगोटे असे मृत्यू झालेल्या तरुणाचे नाव आहे. तर सागर दत्तात्रय गाढवे (वय २९, रा. मोरे वस्ती चिखली, पुणे), सुहास गयाभाऊ गाढवे (वय २३, रा. सदर) आणि मंगेश जालींदर वाळुंज (वय २६, रा. सदर) अशी अटक करण्यात आलेल्या आरोपींची नावे आहेत. तर या प्रकरणी पोलीस उपनिरीक्षक आर. बी. जाधव यांनी भोसरी एमआयडीसी पोलीस ठाण्यात फिर्याद दिली आहे.(Pune News)
पोलीसांनी दिलेल्या माहितीनुसार, मिथिलेश लंगोटे याचा इमारतीच्या पाचव्या मजल्यावरून खाली पडून
२१ मे रोजी सायंकाळी साडेपाचच्या सुमारास मृत्यू झाला होता.(Pune News) याबाबत भोसरी एमआयडीसी पोलीस ठाण्यात आकस्मित मृत्यूची नोंद करण्यात आली होती. मात्र, याबाबत पोलीसांनी अधिक तपास केल्यानंतर धक्कादायक माहिती समोर आली आहे.
मोशी येथील अनंत नगर तुपे वस्तीतील कॉसमॉस सोसायटीमध्ये मिथिलेश लंगोटेचा फ्लॅट आहे. या फ्लॅटमध्ये मिथिलेश आणि आरोपी हे २१ मे रोजी दारु पित बसले होते.(Pune News)
दरम्यान, दारू पिताना झालेल्या भांडणातून आरोपींनी मिथिलेशला मारहाण केली. मारहाण करताना आरोपींनी त्याला घराबाहेर जावू दिले नाही. त्यामुळे, मिथिलेशने घाबरुन बचावासाठी फ्लॅटचे गॅलरीतून शेजारील फ्लॅटचे गॅलरीत जाण्याचा प्रयत्न केला. मात्र, यावेळी तो थेट पाचव्या मजल्यावरुन खाली पडला. यात गंभीर जखमी झाल्यामुळे मिथिलेशचा मृत्यू झाला.(Pune News)
