Pune News : पुणे-मुंबई महामार्गावर भरधाव दुचाकीने एका पिकअप ला धडक दिली. त्यात दुचाकीस्वाराचा मृत्यू झाला असून दुचाकीवरील सहप्रवासी गंभीर जखमी झाला आहे,हा अपघात गुरुवारी (दि.27) मध्यरात्री पावणे एक वाजताच्या सुमारास तळेगाव दाभाडे येथे एबीसी पंपाजवळ घडला आहे.
सहप्रवासी गंभीर जखमी
अर्जुन राजेश विश्वकर्मा (वय 19, रा. बोरीवली पूर्व, मुंबई) असे मृत्यू झालेल्या तरुणाचे नाव आहे. तर सोबत सोहन पेटाडे गंभीर जखमी झाला आहे..
पोलिसांनी दिलेल्या माहितीनुसार, अर्जुन विश्वकर्मा हा दुचाकीवरून (एमएच 47/बीई 1158) मुंबईकडून पुण्याच्या दिशेने येत असताना हा अपघात घडला आहे. तळेगाव दाभाडे येथे एबीसी पंपाजवळ महामार्गावरून मंत्रा सिटीकडे जाण्यासाठी एक पिकप वळण घेत असताना अर्जुन याने त्याच्या दुचाकीने पिकपला जोरात धडक दिली. त्यात अर्जुन हा गंभीर जखमी झाला आणि त्यातच त्याचा मृत्यू झाला आहे.
तर त्याच्या दुचाकीवरील सोहन पेटाडे हा गंभीर जखमी झाला आहे. या अपघातात दुचाकी आणि पिकपचे मोठे नुकसान झाले आहे. या बाबत तळेगाव दाभाडे पोलीस तपास करीत आहेत.
