Pune News पुणे : पुणे शहर पोलिसांच्या गुन्हे शाखेच्या अंमली पदार्थ विरोधी पथक दोनने लोहगाव परिसरातून तब्बल १ कोटींचे अफिम जप्त करून एकाला अटक केली आहे. (Pune News)
राहुलकुमार भुरालालजी साहु (वय-३२ रा. मु.पो. मंगलवाडा, तहसील दुंगला, जि. चितोडगड, राज्य राजस्थान) असे अटक करण्यात आलेल्या आरोपीचे नाव आहे. आरोपीकडून तब्बल १ कोटी १० लाख ३८ हजार रुपये किमतीचे ५ किलो ५१९ ग्रॅम अफिम हा अंमली पदार्थ जप्त केला आहे. (Pune News)
पोलिसांनी दिलेल्या माहितीनुसार, अंमली पदार्थ विरोधी पथक विमानतळ पोलीस ठाण्याच्या हद्दीत पेट्रोलींग करत होते. त्यावेळी पोलीस अंमलदार मांढेर यांना माहिती मिळाली की, लोहगाव येथील पोरवाल रस्त्यावरील आयजीधान सोसायटीच्या गेट समोर एक व्यक्ती उभा असून त्याच्याकडे अफिम हा अमंली पदार्थ आहे. अशी माहिती एका खबऱ्याने पोलिसांना दिली होती.
मिळालेल्या माहितीच्या अनुषंगाने पोलिसांनी तातडीने त्याठिकाणी जाऊन आरोपी राहुलकुमार साहु ताब्यात घेतले. त्याच्याकडून अफिम जप्त करुन विमानतळ पोलीस ठाण्यात एनडीपीएस अॅक्ट नुसार गुन्हा दाखल केला आहे.
