Pune Crime नारायणगाव, (पुणे) : मारहाणीच्या गुन्ह्यात मागील १३ वर्षापासून फरार असलेल्या आरोपीला नारायणगाव पोलिसांनी सापळा रचून बेड्या ठोकल्या आहेत.
धोंडीभाऊ रामा मेंगाळ (वय ३३, रा. जांबुत साकुर, ता. संगमनेर, जि. अहमदनगर) असे पोलिसांनी ताब्यात घेतलेल्या संशयित आरोपीचे नाव आहे.
सहायक पोलीस निरीक्षक पृथ्वीराज ताटे यांनी दिलेल्या माहितीनुसार….!
पुणे ग्रामीण पोलीस अधिक्षक अंकित गोयल यांनी अनेक दिवसांपासून फरार व पाहिजे असलेले संशयित यांना अटक करण्याबाबत सर्व पोलिस ठाण्यांना सूचना दिल्या होत्या. त्यानुसार आळेफाटा पोलिस ठाणे होण्यापूर्वी म्हणजे तब्बल १३ वर्षांपूर्वी नारायणगाव पोलिस ठाणे हद्दीतील आळेफाटा जवळील वरंडी गावात मारहाणीची घटना घडली होती. त्यातील ४ संशयित गजाआड झाले होते. तर पाचवा धोंडीभाऊ मेंगाळ हा गुन्हा घडल्यापासून फरार होता.
दरम्यान मेंगाळ हा निमगाव सावा या ठिकाणी येणार असल्याची माहिती मिळाल्यानंतर पोलिस नाईक दिनेश साबळे, पोलिस अंमलदार सचिन कोबल, शैलेश वाघमारे, पोलिस गोरक्ष हासे यांनी निमगाव सावा पेट्रोलपंप जवळ दिसला त्यास ताब्यात घेत अटक केली.
