अक्षय टेमगिरे
शिरूर, ता. 24 : शिरूर तालुक्यातील रावडेवाडी येथील पराग अॅग्रो फुड्स अॅण्ड अलाईड प्रॉडक्ट्स प्रा. लि. साखर कारखान्याची तब्बल 24 लाख 38 हजार रुपयांची फसवणूक झाल्याचा प्रकार उघडकीस आला आहे. 14 जुलै 2025 रोजी दुपारी बारा वाजण्याच्या सुमारास रावडेवाडी येथील कारखान्यात ही घटना घडली आहे.
या प्रकरणी राहुल रामदास भाकरे वय 36, रा. माळवाडी, टाकळी हाजी, ता. शिरूर यांनी शिरूर पोलीस ठाण्यात फिर्याद दिली आहे. त्यानुसार गोरख भारमल राठोड, नितीन तुळशीराम चव्हाण व ज्ञानेश्वर गबरु राठोड (रा. तिघेही घोडेगाव, ता. चाळीसगाव, जि. जळगाव ) या तिघांवर शिरूर पोलीस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपींनी ऊसतोड मजूर पुरविण्याचे आमिष दाखवत लेखी करार करून फिर्यादीचा विश्वास संपादन केला त्यानंतर आरोपींनी त्यांच्या बँक खात्यावर वेगवेगळ्या रकमा जमा करून घेतल्या.
गोरख राठोड याने 8 लाख 18 हजार रुपये, नितीन चव्हाण याने 4 लाख 86 हजार व ज्ञानेश्वर गबरु राठोड याने 11 लाख 34 हजार फसवणूक केलेल्या तीन व्यक्तींची नावे आहेत. या तिघांनी मिळून एकूण 24 लाख 38 हजार रुपयांची फसवणूक केल्याचे समोर आले आहे.
या प्रकरणी भारतीय न्याय संहितेच्या कलमा अन्वये गुन्हा दाखल करण्यात आला असुन या घटनेचा पुढील तपास शिरूर पोलिस स्टेशनचे पोलीस निरीक्षक संदेश केंजळे यांच्या मार्गदर्शनाखाली पोलीस उपनिरीक्षक पवार करत आहेत.
