Pune Accident News : खडकवासला, (पुणे) : चांदणी चौक आणि वेड भवन खिंड रस्त्यावर मिनीबसचा स्टेरिंग रोड तुटल्याने झालेल्या अपघातात नऊजन जखमी झाल्याची घटना घडली आहे. यातील तिघांना किरकोळ जखम झाली आहे. शुक्रवारी (ता. ३०) सकाळी साडेसात वाजण्याच्या सुमारास हा अपघात घडला आहे. (Pune Accident News)
मिळालेल्या माहितीनुसार, शुक्रवारी सकाळी साडेसात वाजण्याच्या सुमारास मिनी बस ९ प्रवासी घेऊन मुंबईकडे निघाली होती. यावेळी मिनी बस स्टेरिंग रोड तूटल्यामुळे चालकाचे बस मिनी बसवरील नियंत्रण सुटले आणि मिनीबस रस्त्यावर आडवी पडली. सकाळची वेळ असल्याने मुंबई व हिंजवडीला जाणाऱ्यांची वाहन संख्या मोठी असते. परिणामी लगेच वाहनांच्या रांगा लागण्यास सुरवात झाली होती. (Pune Accident News)
यावेळी या अपघातात ९ जन जखमी झाले तर ३ जन एकदम किरकोळ जखमी झाले. सदर घटनेत जीवितहानी झाली नसली तरी गाडीचे नुकसान झाले आहे. सदर घटनेची पोलिसांना माहिती मिळताच वारजे वाहतूक विभागाच्या पोलिसांनी वाहतूक सुरळीत केली.
दरम्यान, वारजे पोलिस ठाण्याचे अधिकारी आणि कर्मचारी घटनास्थळी पोहोचले. त्यांनी परिस्थितीची पाहणी केली आणि नागरिकांची माहिती घेतली त्यावेळी बसमध्ये एकूण नऊ जण होते यातील एका व्यक्तीच्या हाताला जखम झाल्याची प्राथमिक माहिती मिळत आहे. तर आणखी दोघे जखमी झाले आहेत.
