(Pune Accident) पुणे : पुणे-मुंबई द्रुतगती मार्गावर सोमाटने फाट्यावर चालकाचा चारचाकी गाडीवरील ताबा सुटून गाडी थेट डिव्हायडरमध्ये घुसून झालेल्या अपघातात (Pune Accident) एकजण गंभीर जखमी झाला आहे तर, दोघेजण किरकोळ जखमी झाल्याची घटना घडली आहे. शनिवारी (ता. १८) सकाळी साडेसात वाजण्याच्या सुमारास हा अपघात घडला आहे.
निल कुसुम आका, सारा अमिताभ मुजावर आणि इवा अमिताभ मुजावर अशी कारमधील तिघांची नावे असून, तिघेही मुंबईतील रहिवासी आहेत. हे तिघे जण मुंबईहून पुण्याकडे चालले होते.
मिळालेल्या माहितीनुसार, मुंबईवरून सोमाटण्याकडे वळताना चालकाचा गाडीवरील ताबा सुटला अन् गाडी थेट डिव्हायडरमध्ये घुसली. यानंतर डिव्हायडरचा अख्खा रॉड कारच्या बरोबर मधून घुसला. यात तरुणी जखमी झाले आहेत. सुदैवाने यात कोणतीही जीवितहानी झाली नाही.
दरम्यान, गाडीतील सारा मुजावर या तरुणीला जखम झाली आहे. तिला उपचारासाठी रुग्णालयात दाखल करण्यात आले आहे. मात्र गाडीचे नुकसान झाले आहे. अपघाताची माहिती मिळताच पोलिसांनी तात्काळ घटनास्थळी धाव घेत वाहतूक सुरळीत केली.
मुंबई-पुणे एक्स्प्रेसवेवर कालही अपघात..!
दरम्यान, शुक्रवारी (ता. १७) याच परिसरात कारने ट्रकला मागून धडक दिली होती. अर्धी कार ट्रक खाली अडकल्याने तीन प्रवाशांचा जागीच मृत्यू झाला होता. ही कार मुंबईहून पुण्याकडे जात होती. उर्से टोलनाक्याजवळ कारने ट्रकला मागून जोरदार धडक दिली. अपघात एवढा भीषण होता की अर्धी कार ट्रकखाली गेली. यामुळे कारमधील तिघांचा जागीच मृत्यू झाला होता.
अधिक बातम्या वाचण्यासाठी येथे क्लिक करा…!
Manjari Crime : मांजरी येथील झोमॅटो डिलव्हरी बॉयचा हांडेवाडी चौकात अपघाती मृत्यू!
