Positive News : दौंड, (पुणे) : नियमित गस्तीदरम्यान मध्यरात्री रस्त्याच्या कडेला संशयास्पद अवस्थेत उभ्या असलेल्या एका वृद्ध महिलेला सुरक्षित ताब्यात घेत तिचा शोध लावून कुटुंबीयांच्या स्वाधीन केल्याची कौतुकास्पद कामगिरी दौंड पोलिसांनी केली आहे. पोलिसांच्या तत्परता, संवेदनशीलता आणि माणुसकीमुळे एक वृद्ध महिला सुखरूपपणे आपल्या कुटुंबापर्यंत पोहोचली. Positive News
मिळालेल्या माहितीनुसार, दिनांक ३० मे रोजी मध्यरात्री १२ वाजण्याच्या सुमारास दौंड पोलीस स्टेशनचे अधिकारी व अंमलदार मौजे रावणगाव (ता. दौंड) परिसरात नियमित गस्त घालत होते. त्यावेळी रस्त्याच्या कडेला एक वृद्ध महिला एकटी उभी असल्याचे त्यांच्या निदर्शनास आले. पोलिसांनी तिची विचारपूस केली असता तिला स्वतःचे नाव, पत्ता किंवा नातेवाईकांबाबत कोणतीही स्पष्ट माहिती देता येत नव्हती. Positive News
महिलेच्या अंगावर अंदाजे दोन ते अडीच तोळे सोन्याचे दागिने असल्याने तिच्या सुरक्षिततेचा प्रश्न निर्माण झाला होता. याची माहिती मिळताच दौंड पोलीस ठाण्याचे पोलीस निरीक्षक गोपाळ पवार यांनी तातडीने दखल घेत महिलेला पोलीस ठाण्यात आणण्याच्या सूचना दिल्या. यानंतर पोलिसांनी महिलेचे वर्णन, अंगावरील कपडे आणि इतर ओळख पटविणारी माहिती जिल्ह्यातील विविध पोलीस यंत्रणांना वायरलेस संदेशाद्वारे पाठविली. तसेच विविध व्हॉट्सअॅप समूहांवरही माहिती प्रसारित करण्यात आली. Positive News
पोलिसांच्या या प्रयत्नांना यश आले आणि शनिवारी (ता. ३०) महिलेचे नातेवाईक दौंड पोलीस ठाण्यात दाखल झाले. खातरजमा केल्यानंतर सदर महिलेचे नाव दाळाबाई दादू सावंत (वय ७०, रा. वैदवाडी, हडपसर, पुणे) असल्याचे स्पष्ट झाले. आवश्यक पडताळणी पूर्ण केल्यानंतर पोलिसांनी दाळाबाई सावंत यांना त्यांचे नातेवाईक दिलीप प्रकाश सावंत यांच्या ताब्यात सुखरूपपणे दिले. Positive News
दरम्यान, या संपूर्ण घटनेत दौंड पोलिसांनी दाखविलेली सतर्कता, जबाबदारीची भावना आणि मानवी दृष्टिकोन याबद्दल नागरिकांकडून कौतुकाचा वर्षाव होत आहे. संकटात सापडलेल्या एका वृद्ध महिलेला सुरक्षितपणे कुटुंबापर्यंत पोहोचवून दौंड पोलिसांनी पुन्हा एकदा आपल्या सामाजिक बांधिलकीची जाणीव करून दिली आहे. Positive News
