Pimpri News : पिंपरी : एकतर्फी प्रेमातून अॅसिड हल्ला, तरुणीला जिवंत जाळण्याचा प्रकार घडल्याच्या अनेक घटना घडत असतानाच पिंपरी चिंचवड परिसरातून एक धक्कादायक घटना समोर आली आहे. एकतर्फी प्रेमातून एका तरुणाने तरुणीवर ब्लेडने वार केले आहेत. या घटनेने परिसरात खळबळ उडाली आहे. चिंचवड येथील आनंदनगर येथे हा प्रकार घडला आहे.
आनंदनगर, चिंचवड येथील प्रकार
याबाबत पोलिसांनी दिलेल्या माहितीनुसार, तरुणीने तरुणीवर ब्लेडने वार केल्याप्रकरणी चिंचवड पोलीस ठाण्यात गुन्हा दाखल करण्यात आला आहे. (Pimpri News) नाना जालिंदर गायकवाड (वय ३०) असे हल्लेखोर तरुणाचे नाव आहे. या प्रकरणात पीडित तरुणीने चिंचवड पोलिसांत तक्रार दाखल केली आहे.
हल्लेखोर तरुण आणि संबंधित तरुणी हे दोघे आनंदनगर येथे राहतात. संबंधित तरुणीवर गायकवाड याचे अनेक दिवसांपासून एकतर्फी प्रेम होते. कामावर जात असताना नाना गायकवाड याने या तरुणीला रस्त्यात अडवले आणि तिच्याकडून मोबाइल नंबर मागितला. (Pimpri News) मात्र, तरुणीने मोबाइल नंबर देण्यास नकार दिला. या गोष्टीचा राग मनात धरून गायकवाड याने तिच्या घरात घुसून ब्लेडने वार केले आणि तिचा विनयभंग केला.
या घटनेनंतर संतप्त झालेल्या पीडित तरुणीने चिंचवड पोलीस स्टेशनमध्ये धाव घेतली आणि माथेपीरू तरुणाविरोधात तक्रार दाखल केली. पोलिसांनी घटनेचे गांभीर्य ओळखत आरोपी तरुणाविरोधात गुन्हा दाखल केला.
पुण्यासह पिंपरी चिंचवड परिसरात गुन्हेगारी घटना वाढीस लागल्या आहेत. या घटना रोखण्यासाठी पोलीस दल कार्यरत आहे. विविध उपाययोजनांसह शहरात कोंबिंग ऑपरेशन राबविले जात आहे. (Pimpri News) या घटनांना आळा बसवण्याची गरज निर्माण झाली असून, एकतर्फी प्रेमातून अशा घटना घडत असल्याने महिलांवर होणारे हल्ले देखील मोठ्या प्रमाणावर वाढले आहेत. त्यामुळे पोलिसांनी याकडे अधिक गांभीर्याने लक्ष द्यावे, अशी मागणी आता जोर धरू लागली आहे.
अधिक बातम्या वाचण्यासाठी येथे क्लिक करा :
Pimpri News : पिंपरी-चिंचवडमध्ये आढळले डेंग्यूचे २७ संशयित रुग्ण; ७३८ आस्थापनांना नोटीस!
Pimpri News : खळबळजनक! पिंपरीजवळ रस्त्यावर आढळले पिशवीत गुंडाळलेले अर्भक
