(Pimpri Chinchwad Crime)
पिंपरी चिंचवड : पिंपरी चिंचवड शहरातील (Pimpri Chinchwad Crime) पिंगळेसौदागर येथे असलेल्या कोकणे चौकात गुन्ह्याच्या चौकशीसाठी घेऊन जात असताना आरोपीने दोन पोलीस कर्मचाऱ्यांना मारहाण केल्याचा प्रकार समोर आला आहे. या मारहाणीत आरोपीने पोलीस कर्मचाऱ्याला चावा घेतला आहे. हा प्रकार शुक्रवारी दुपारी सव्वा एकच्या सुमारास घडला आहे.
याप्रकरणी खंडू जालिंदर लोंढे (वय २३, रा.रहाटनी) याला अटक केली आहे. याबाबत वाकड ठाण्याचे पोलीस हवालदार संतोष मारुती बर्गे यांनी फिर्याद दिली आहे.
मिळालेल्या माहितीनुसार…!
वाकड पोलीस ठाण्याचे पोलीस कर्मचारी बर्गे व पोलीस शिपाई खेडकर शुक्रवारी गस्त घालत असताना त्यांना वाकड पोलीस ठाण्यात दाखल असलेल्या गुन्ह्यातील फरार आरोपी खंडू हा चौकात दिसला. त्यामुळे पोलिसांनी ओळखपत्र दाखवून आरोपी खंडू याला गुन्ह्याच्या चौकशीसाठी पोलीस ठाण्यात चल असे म्हटले. त्याला नकार देत आरोपी खंडू हा पळून जाण्याचा प्रयत्न करू लागला.
त्यावेळी पोलीस हवालदार बर्गे आणि पोलीस शिपाई खेडकर यांनी आरोपीला पकडण्याचा प्रयत्न केला असता त्याने दोघांना हाताने मारहाण केली. बर्गे यांच्या दोन्ही हातावर नखाने ओरखडले. दोघांच्या उजव्या हाताला मनगटाजवळ जोरात चावा घेतला. पुढील तपास वाकड पोलीस करत आहेत.
