(Pimpri Accident )पुणे : पिंपरी चिंचवड परिसरातील पुणावळे रस्त्यावरून जाणाऱ्या एका सिमेंट काँक्रीटचा ट्रक व दुचाकी यांच्या झालेल्या अपघातात सिमेंट काँक्रीटचा ट्रकच्या खाली येऊन दुचाकीस्वाराचा जागेवरच मृत्यू झाला आहे. पिंपरी चिंचवड परिसरातील काटे वस्ती येथे हा अपघात झाला आहे. ही घटना सीसीटीव्हीत कैद झाली आहे.
मिळालेल्या माहितीनुसार…!
पिंपरी चिंचवड शहर परिसरात शनिवारी रात्रीच्या सुमारास पुणावळे भागातून रस्त्यावरून एक सिमेंट काँक्रीटचा ट्रक जात होता. त्याचवेळी त्या ट्रकच्या शेजारून एक व्यक्ती पायी जात होता.
त्याचवेळी मागून येणाऱ्या दुचाकीस्वाराने पायी जाणाऱ्या त्या व्यक्तीला धडक दिली आणि दुचाकीसह दुचाकीस्वार देखील रस्त्यावर पडले. त्यानंतर दुचाकीस्वार मागून येणाऱ्या ट्रकच्या मागच्या चाकाखाली आला आणि त्यातच त्याचा मृत्यू झाला.
या अपघाताने प्रत्यक्षदर्शींचा काळजाचा ठोका चुकला. या दुर्देवी अपघाताने बघ्यांची एकच गर्दी झाली होती. पिंपरी चिंचवड परिसरातील काटे वस्ती भागात हा दुर्देवी अपघात घडल्याचे प्रत्यक्षदर्शंनी सांगितले.
दरम्यान, याबाबत पोलिसांकडून अद्याप माहिती देण्यात आलेली नाही. मृत तरुणाचे नाव देखील अद्याप समोर आले नाही.
