पंढरपूर : कार्तिकी यात्रेसाठी पंढरपूरला निघालेल्या दिंडीत कार घुसून तब्बल ६ वारकऱ्यांचा जागीच मृत्यू झाल्याची धक्कादायक घटना जुनोनी (ता. सांगोला) येथे नुकतीच घडली आहे. तर या अपघातात ६ जण गंभीर जखमी झाले आहेत.
मिळालेल्या माहितीनुसार, कोल्हापूर जिल्ह्यातील जठारवाडी येथील काही भाविक कार्तिकी यात्रेसाठी पायी निघाले होते. जुनोनी गावाजवळ आले असता, पाठीमागून भरधाव वेगाने आलेल्या करणे १२ वारकऱ्यांना जोरदार धडक दिली. या अपघातात ६ जण जागीच ठार झाले आहे. तर ६ जण जखमी झाले आहेत.
दरम्यान, या घटनेची माहिती मिळताच सांगोला पोलिस घटना त्वरित घटनास्थळी दाखल झाले आहे. पोलिसांनी मदतकार्य सुरु केले आहे. सांगोला पोलीस पुढील तपास करीत आहेत.
