Nagar News : कोतवाली, (नगर) : नगर शहरातून व परिसरातून मोटर सायकल चोरी करणाऱ्या सराईत आरोपीला कोतवाली पोलिसांनी माळीवाडा परिसरातून अटक केले आहे. त्याच्याकडून ९० हजार रुपये किमतीच्या तीन मोटरसायकल पोलिसांनी जप्त केल्या आहेत. Nagar News
विनोद कडुबा सरकाळे (रा. शहर टाकळी, ता.शेवगाव, जि. अहमदनगर) असे अटक करण्यात आलेल्या आरोपीचे नाव आहे.
२७ मोटरसायकल हस्तगत..
पोलिसांनी दिलेल्या माहितीनुसार, कोतवाली पोलीस ठाण्याच्या हद्दीतून व परिसरातून मोटरसायकल चोरी करणाऱ्या आरोपींचा शोध घेण्यासाठी पोलीस निरीक्षक चंद्रशेखर यादव यांनी कोतवाली पोलिसांना सूचना दिल्या होत्या.
यावेळी माळीवाडा परिसरात मोटरसायकल चोरी करणारा सराईत आरोपी असल्याची माहिती पोलीस निरीक्षक यादव यांना मिळाल्यानंतर कोतवाली पोलिसांनी आरोपीला सापळा लावून शिताफिने ताब्यात घेतले. शहरातील गौरी घुमट येथून मोटर सायकल चोरी केल्याची कबुली आरोपीने दिली असून, त्याच्याकडून तीन मोटरसायकल हस्तगत करण्यात आले आहेत. Nagar News
दरम्यान, कोतवाली पोलिसांनी ४ महिन्यात पोलीस ठाण्यातील व आजूबाजूच्या जिल्ह्यातून चोरी गेलेल्या २७ मोटरसायकल हस्तगत करण्यात आल्या आहेत. सदरची कामगिरी पोलीस निरीक्षक चंद्रशेखर यादव, पोलीस नाईक शाहिद शेख, रविंद्र टकले, प्रमोद लहारे, सुमित गवळी, दिपक रोहकले, नितीन शिंदे, राहूल गुंड यांनी ही कारवाई केली आहे.
