Jalgaon News : जळगाव : कॉलेजला जात असल्याचे सांगून घरातून गेलेल्या महाविद्यालयीन तरुणीने विहिरीत उडी घेत आत्महत्या केल्याचा धक्कादायक प्रकार समोर आला आहे. जळगाव जिल्ह्यातील रावेर तालुक्यातील वडगाव हा प्रकार घडला आहे. दरम्यान, तरुणीच्या आत्महत्येमागचे कारण समोर आलेले नाही. कॉलेजला गेलेली मुलगी परत आली नाही तेव्हा कुटुंबीयांसह नातेवाईकांनी तिचा सर्वत्र शोध घेतला तेव्हा हा प्रकार समोर आला.
रावेर तालुक्यातील घटना
शितल मुकेश वाघोदे (वय १९) असे आत्महत्या केलेल्या तरुणीचे नाव आहे. ती रावेर तालुक्यातील वडगाव येथील महाविद्यालयीन शिक्षण घेत होती. रावेर पोलीस ठाण्यात या घटनेची नोंद करण्यात आली आहे.
मिळालेल्या माहितीनुसार, शितल बुधवारी २८ जून रोजी रावेरला कॉलेजला जात असल्याचे सांगत घराबाहेर पडली. त्यानंतर ती घरी परतली नाही. रात्री उशीरापर्यंत ती घरी न आल्याने तिच्या कुटुंबीयांसह नातेवाईकांनी तिचा सर्वत्र शोध घेतला. मात्र, ती मिळून आली नाही. (Jalgaon News) दरम्यान, रावेर तालुक्यातील अजंदा रस्त्याने एका शेतात शेतमजूरीचं काम करणाऱ्या महिलांना त्यांच्या शेतात असलेल्या विहिरीजवळ शाळेची बॅग आणि चप्पल आढळून आली. मात्र विहिरीजवळ कुणीही आढळून आले नाही. विहिरीजवळ आढळून आलेली बॅग ही कुणाची असावी म्हणून तिच्या बॅगेत तपासणी केली असता यात ही बॅग एका तरुणी तसेच ती वडगावची असल्याचे निष्पन्न झाले.
या घटनेची माहिती मिळताच रावेर पोलिसांनी घटनास्थळी धाव घेतली. (Jalgaon News) विहिरीत शोध मोहीम राबविण्यात आली तेव्हा गुरूवारी सकाळी विहिरीत शोध घेतला असता तरुणीचा मृतदेह पाण्यात तरंगताना दिसला. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा :
Jalgaon News : पोलिस दलात हळहळ! तपासासाठी निघाले अन् काळाने केला घात
Jalgaon News : लग्नानंतर दोन दिवसात नवविवाहितेची प्रियकरासह आत्महत्या
Jalgaon News : जळगावात सुन्न करणाची घटना ; मम्मी, पप्पा…सॉरी…म्हणत उच्चशिक्षित तरुणीने घेतला गळफास
