Indapur News इंदापूर (पुणे) : पत्नीचा शारीरिक व मानसिक छळ करून तिला वेडी म्हणणं पतीला चांगलंच महागात पडलं आहे. पोलिसांत तक्रार दाखल केल्यानंतर आरोपी पतीला न्यायालयात हजर करण्यात आले. याप्रकरणी इंदापूर न्यायालयाने पतीला दोन महिने कारावास व दहा हजार रुपयांचा दंड ठोठावला आहे. Indapur News
सणसर (ता. इंदापूर) येथील विवाहित महिलेला पती व सासरच्या मंडळीकडून ‘तू वेडी आहे, तुला आम्हाला नांदवायचे नाही. तुम्ही लग्नात मान दिला नाही’. तसेच फिर्यादी महिलेस वेळोवेळी उपाशी ठेवून शारीरिक व मानसिक त्रास दिला. तसेच तिला शिवीगाळ व दमदाटी करण्यात आली. इतकेच नाहीतर तिला हाताने लाथाबुक्क्यांनी मारहाण केली होती. Indapur News
फिर्यादी महिलेच्या तक्रारीवरुन पती, सासू-सासरे व इतर तीन जणांवर गुन्हा दाखल करण्यात आला होता. या गुन्ह्यांच्या तपासासाठी सहाय्यक पोलिस निरीक्षक विक्रम साळुंखे, पोलीस हवालदार वसंत वाघुले, न्यायालय अंमलदार सचिन खुळे पोलिस उपनिरीक्षक रतिलाल चौधर यांनी सहकार्य केले.
आरोपी पतीला दोन महिन्यांचा कारावास
न्यायालयाने आरोपी पती अतूल बापूराव काळे (वय २६) यांना दोषी ठरवले असून, सासु सासरे व इतर आरोपींची निर्दोष मुक्तता केली आहे. पतीला दोन महिने साधा कारावास व दहा हजार रुपयांचा दंड ठोठावला आहे. तसेच दंड न भरल्यास २० दिवस कारावासाची शिक्षा सुनावण्यात आली आहे.
