Hadapsar Bomb Case : पुणे : पुण्यातील हडपसर परिसरातील एका खासगी हॉस्पिटलमध्ये बॉम्बसदृश वस्तू ठेवून शहरात भीतीचे वातावरण निर्माण करणाऱ्या आरोपीला अखेर महाराष्ट्र दहशतवाद विरोधी पथकाने (ATS) नागपूर रेल्वे स्थानकावरून अटक केली आहे. या प्रकरणात दहशतवादी संबंध नसल्याचे स्पष्ट झाले असून, आरोपीने वैयक्तिक आर्थिक अडचणीतून आणि उपचारासाठी पैसे उभे करण्याच्या उद्देशाने हा संपूर्ण कट रचल्याचा प्राथमिक तपासातून उलगडा झाला आहे. Hadapsar Bomb Case
शिवाजी राठोड असे अटक करण्यात आलेल्या आरोपीचे नाव असून तो मूळचा सोलापूर जिल्ह्यातील आहे. पुण्यातील मांजरी परिसरात त्याचे कपडे आणि बुटांचे दुकान असल्याची माहिती पोलिसांनी दिली. आरोपी आझाद हिंद एक्सप्रेसने नागपूरमार्गे पुढे नेपाळला पळून जाण्याच्या तयारीत होता. नागपूर रेल्वे स्थानकावर प्लॅटफॉर्म क्रमांक 6 वर तो उतरताच आधीच सापळा रचून बसलेल्या ATS च्या पथकाने त्याला ताब्यात घेतले. Hadapsar Bomb Case
या प्रकरणी पुण्याचे पोलीस आयुक्त अमितेश कुमार यांनी पत्रकार परिषद घेत मोठा खुलासा केला. त्यांनी सांगितले की, आरोपी 10 मे रोजी वैयक्तिक उपचारासाठी संबंधित हॉस्पिटलमध्ये गेला होता. मात्र उपचारासाठी आवश्यक पैसे नसल्याने त्याने हॉस्पिटलला खंडणीची धमकी देण्याचा कट आखला. आरोपीने युट्युब वरील व्हिडिओ पाहून बॉम्बसदृश वस्तू तयार केली होती. Hadapsar Bomb Case
पोलिसांच्या प्राथमिक तपासात धक्कादायक माहिती समोर आली आहे. आरोपीने अवघ्या 400 रुपयांत डिजिटल घड्याळ, चार पाईप, वायर आणि सेलोटेप वापरून बॉम्बसदृश IED तयार केले. मात्र त्यामध्ये कोणतेही स्फोटक पदार्थ नसल्याचे प्राथमिक फॉरेन्सिक तपासात स्पष्ट झाले आहे. आरोपीच्या घरातून डिजिटल टाइमर तसेच सुमारे दोन किलो गांजाही जप्त करण्यात आला आहे. Hadapsar Bomb Case
सीसीटीव्ही फुटेजच्या आधारे पोलिसांनी आरोपीचा माग काढला. अकोला आणि मूर्तिजापूर येथे शोधमोहीम राबवल्यानंतर नागपूरमध्ये ATS ने ही कारवाई केली. तपासादरम्यान आरोपीने विविध ठिकाणांहून बॉम्बसदृश वस्तू बनवण्यासाठी साहित्य खरेदी केल्याचेही समोर आले आहे. Hadapsar Bomb Case
पोलिस आयुक्त अमितेश कुमार यांनी स्पष्ट केले की, “या प्रकरणात कोणताही दहशतवादी अँगल आढळलेला नाही. आरोपी एकटाच होता. त्याची पूर्वी कोणतीही गुन्हेगारी पार्श्वभूमी नाही. सध्या फॉरेन्सिक रिपोर्टची प्रतीक्षा असून तपास प्राथमिक टप्प्यात आहे.” Hadapsar Bomb Case
दरम्यान, आरोपीची बहिण नेपाळमध्ये राहत असल्याने तो नागपूरहून हावडा मार्गे नेपाळला जाण्याच्या तयारीत होता, अशीही माहिती समोर आली आहे. या घटनेनंतर पुण्यातील हॉस्पिटल सुरक्षेचा मुद्दा पुन्हा एकदा ऐरणीवर आला असून पोलिसांनी शहरातील महत्त्वाच्या रुग्णालयांची सुरक्षा वाढवण्यास सुरुवात केली आहे. Hadapsar Bomb Case
