Hadapsar Accident हडपसर : ट्रकच्या धडकेत दुचाकी घसरल्याने नवविवाहितेचा जागीच मृत्यू झाला. ही घटना सासवड ते हडपसर मार्गावर मोरया हॉस्पिटलसमोर शनिवारी (ता. २५) दुपारी चारच्या सुमारास घडली.
काजल राहुल शर्मा (वय. २५) असे मृत्यू झालेल्या नवविवाहिताचे नाव आहे. कुलदीप धनराज शर्मा (रा. सासवड) यांनी फिर्याद दिली आहे. त्यानुसार, चालक दशरथ तुळशीराम फुलतांबकर (रा. सुलदरी, जि. हिंगोली) याला अटक करण्यात आली आहे.
मिळालेल्या माहिती नुसार…!
काजल शर्मा व मामा भगवती प्रसाद शर्मा (रा. सासवड) हे अॅक्टिव्हा (एमएच १२ पीबी २३१८) वरून सासवड एस. टी. स्टँड येथे जात होते. दुचाकी मामा चालवीत होते व काजल शर्मा पाठीमागे कपड्याची बॅग घेऊन बसली होती. पुणे-सासवड-जेजुरी रस्त्याने सासवड एसटी स्टँड येथे जात असताना पाठीमागून येणाऱ्या ट्रकने (एमएच १४ एएस ८१४२) दुचाकीला धडक दिली.
अपघातात काजल हिचा जागीच मृत्यू झाला, तर भगवती शर्मा यांना किरकोळ दुखापत झाली. याप्रकरणी चालक दशरथ तुळशीराम फुलतांबकर (रा. सुलदरी, जि. हिंगोली) याला ताब्यात घेतले आहे. या घटनेचा पुढील तपास पोलीस करीत आहेत.
