Fursungi News : हडपसर, (पुणे) : चिमुकल्या मुलींना विचारल्याशिवाय गाडीत बसवून नेण्यावरून जाब विचारणाऱ्या तरुणाला आणि त्याच्या भावाला सोसायटीच्या गेटवरच पट्ट्याने आणि काठीने बेदम मारहाण करण्यात आली. हडपसरजवळील हांडेवाडी परिसरातील ‘फॉर्च्युन इंप्रेस सोसायटी’मध्ये हि घटना घडली. याप्रकरणी गणेश पांडुरंग गायकवाड (वय २७) यांनी फुरसुंगी पोलीस ठाण्यात फिर्याद दिली आहे. रविवारी (ता. 26) हि घटना घडली आहे. Fursungi News
शुभम बाचकर (रा. सी-विंग, 604), किरण पवार, श्रावण मोडक व एक अनोळखी (पूर्ण नाव व पत्ता माहिती नाही) अशा चौघांवर फुरसुंगी पोलीस ठाण्यात गुन्हा दाखल करण्यात आला आहे. Fursungi News
पोलिसांनी दिलेल्या माहितीनुसार, फिर्यादी गणेश गायकवाड यांची 4 वर्षांची भाची गार्गी ही 26 एप्रिल रोजी सायंकाळी साडेसातच्या सुमारास सोसायटीच्या पार्किंगमध्ये खेळत होती. अचानक ती बेपत्ता झाल्याने गणेश यांनी शोध घेतला असता, ती सोसायटीतीलच शुभम बाचकर (रा. सी-विंग, ६०४) याच्या गाडीत बसलेली आढळली. त्याच्यासोबत शेजारील पाटील सरांची मुलगीही होती. शुभम हा मुलींना घेऊन गेटच्या दिशेने जात असल्याचे पाहून गणेश यांनी आपल्या भावाच्या मदतीने गाडी अडवली. Fursungi News
गणेश यांनी शुभम याला “मुलींना विचारल्याशिवाय कुठे घेऊन चालला आहेस?” असे विचारले असता, शुभमने “त्यांना आईस्क्रीम खायला घेऊन जातोय,” असे उत्तर दिले. मात्र, शुभम हा दारूच्या नशेत असल्याचे लक्षात येताच गणेश यांनी त्याला हटकले. याच कारणावरून वादाची ठिणगी पडली. शुभमने फिर्यादी आणि त्यांच्या भावाला शिवीगाळ करण्यास सुरुवात केली. Fursungi News
वाद सुरू असतानाच तिथे उपस्थित असलेले किरण पवार, त्याचा मित्र श्रावण मोडक आणि एका अनोळखी इसमाने शुभमची बाजू घेत गणेश यांच्यावर हल्ला केला.श्रावण मोडक याने गणेश यांना कमरेच्या पट्ट्याने (बेल्ट) मारहाण केली. अनोळखी इसमाने वॉचमनची काठी आणि टेबलवरील छत्रीच्या पाईपने गणेश यांना बदडले. किरण पवार याने मध्यस्थी करणाऱ्या गणेश यांच्या भावाला खाली पाडून लाथाबुक्क्यांनी मारहाण केली. Fursungi News
दरम्यान, मारहाणीनंतर आरोपींनी “तुम्हाला बघून घेऊ” अशी धमकी देत तिथून पळ काढला. फिर्यादीने तत्काळ 100 नंबरवर फोन करून पोलिसांना पाचारण केले. उपचार पूर्ण झाल्यानंतर गणेश गायकवाड यांनी दिलेल्या जबाबावरून पोलिसांनी आरोपींविरुद्ध कायदेशीर प्रक्रिया सुरू केली आहे. Fursungi News
