Fursungi Crime News : हडपसर, (पुणे) : अल्पवयीन मुलीवर वारंवार अत्याचार करून, तिला आणि तिच्या कुटुंबाला जिवे मारण्याची धमकी देऊन तेलंगणाची राजधानी हैद्राबाद येथे पळून गेलेल्या नराधम आरोपीला फुरसुंगी पोलिसांना अटक केली आहे. हि घटना होळकरवाडी (ता. हवेली) हद्दीत घडली होती. Fursungi Crime News
सचिन भास्कर पवार असे अटक करण्यात आलेल्या आरोपी मावसभावाचे नाव आहे. आरोपी सचिन पवार हा आपले अस्तित्व लपवण्यासाठी नाव बदलून आणि वेशांतर करून हैद्राबादमधील एका गजबजलेल्या वस्तीत राहत होता, मात्र फुरसुंगी पोलिसांच्या तपास पथकाने अत्यंत कौशल्याने त्याचा माग काढत त्याला बेड्या ठोकल्या. Fursungi Crime News
पोलिसांनी दिलेल्या माहितीनुसार, 25 डिसेंबर 2025 ते 3 फेब्रुवारी 2026 दरम्यान पीडित मुलगी घरी एकटी असल्याचे पाहून तिचा मावसभाऊ सचिन पवार याने तिच्या संमतीशिवाय वारंवार शारीरिक संबंध प्रस्थापित केले. “हा प्रकार जर कोणाला सांगितलास, तर तुला आणि तुझ्या आई-वडिलांना जिवे मारून टाकीन,” अशी धमकीही त्याने पीडितेला दिली होती. Fursungi Crime News
या अत्याचारामुळे पीडितेच्या कुटुंबीयांनी फुरसुंगी पोलीस ठाण्यात धाव घेऊन तक्रार नोंदवली होती. त्यानुसार 27 फेब्रुवारी 2026 रोजी आरोपीविरुद्ध भारतीय न्याय संहिता (BNS) आणि पोक्सो (POCSO) कायद्यांतर्गत गंभीर गुन्हा दाखल करण्यात आला होता. गुन्हा दाखल झाल्यापासून आरोपी सचिन पवार फरार होता. Fursungi Crime News
या गुन्ह्याचा तपास सहाय्यक पोलीस निरीक्षक किशोर पवार करत असताना, पोलीस हवालदार श्रीनाथ जाधव यांना तांत्रिक विश्लेषणाद्वारे आरोपीबाबत महत्त्वाचा सुगावा लागला. त्यानंतर पोलीस अंमलदार हेमंत कामथे व सनी सोनवणे यांना त्यांच्या गोपनीय बातमीदारांकडून खात्रीशीर माहिती मिळाली की, आरोपी हा हैद्राबादमधील अत्लापूर पोलीस ठाण्याच्या हद्दीत नाव बदलून एका दुचाकी रिपेअरिंग गॅरेजमध्ये काम करत आहे. Fursungi Crime News
वरिष्ठांच्या आदेशानुसार फुरसुंगी पोलिसांचे एक विशेष पथक तातडीने हैद्राबादला रवाना झाले. आरोपीने स्वतःचे वेशांतर केले होते आणि तो स्थानिक लोकांमध्ये मिसळून राहत होता. मात्र, पोलिसांनी तिथल्या स्थानिक नागरिकांकडून कौशल्याने माहिती गोळा केली आणि अत्लापूर पोलीस स्टेशनच्या हद्दीतून नराधम सचिन पवार याला ताब्यात घेऊन पुण्यात आणले व अटक केली. Fursungi Crime News
सदरची कारवाई वरिष्ठांच्या मार्गदर्शनाखाली फुरसुंगी पोलीस ठाण्याचे वरिष्ठ पोलीस निरीक्षक अमोल मोरे, पोलीस निरीक्षक (गुन्हे) राजेश खांडे यांच्या सूचनेनुसार तपास पथकातील सहाय्यक पोलीस निरीक्षक किशोर पवार, पोलीस उप निरीक्षक विनोद पवार, पोलीस हवालदार श्रीनाथ जाधव, पोलीस अंमलदार हेमंत कामथे व सनी सोनवणे यांनी केली आहे. Fursungi Crime News
