पुणे : आजारी असल्याने तपासणीसाठी आलेल्या महिलेसोबत डॉक्टरचे अश्‍लील चाळे करून विनयभंग केल्याची धक्कादायक घटना कोंढव्यातील साळवे गार्डनसमोरील धाडीवाल पॉलिक्लिनीक हॉस्पिटलमध्ये सोमवारी (ता.८) दुपारी एक वाजण्याच्या सुमारास उघडकीस आली आहे. यामुळे वैद्यकीय क्षेत्राला काळीमा फासणारी घटना घडली आहे.
डॉ. धाडीवाल असे गुन्हा दाखल करण्यात आलेल्या आरोपीचे नाव आहे. याप्रकरणी ३० वर्षीय पिडीत महिलेने कोंढवा पोलीस ठाण्यात फिर्याद दिली होती.
कोंढवा पोलिसांनी दिलेल्या माहितीनुसार, पिडीत ३० वर्षीय महिला या कोंढव्यात राहतात. त्या आजारी असल्याने तपासणीसाठी धाडीवाल पॉलिक्लिनीक हॉस्पिटलमध्ये आल्या होत्या. तेव्हा तेथील डॉक्टरांनी उपचाराच्या नावाखाली लज्जास्पद व अपमानास्पद वाटेल असे वर्तन केले. हा प्रकार सोमवारी (ता.८) दुपारी एक वाजण्याच्या सुमारास घडला आहे.
दरम्यान, याप्रकरणी पिडीत महिलेने डॉ. धाडीवाल यांच्या विरोधात कोंढवा पोलीस ठाण्यात फिर्याद दिली होती. त्यानुसार पोलिसांनी डॉ. धाडीवाल यांच्यावर गुन्हा दाखल करण्यात आला आहे. तरी, पुढील तपास कोंढवा पोलीस ठाण्याचे सहायक पोलीस निरीक्षक शिंदे करीत आहेत..
