Crime News | पुणे : पुणे शहरात चोरी व लुटमारीचे सत्र सुरुच आहे. असातच शहरात भरदुपारी दोन दुचाकीवरून चार तरुणांना हत्याराचा धाक दाखवून लुटल्याची घटना वाकडेवाडीतून समोर आली आहे. चोरट्यांनी तरुणांजवळीत तीन मोबाईल, रोकड आणि सोन्याचे दागिने घेऊन पोबारा केला.
चोरीच्या या घटनेनंतर पोलीसांनी एकास ताब्यात घेतले आहे. तर त्यांचे दोन साथीदार पसार झाले आहेत.
सागर सनी गुप्ता (वय २४, रा. हडपसर) असे अटक केलेल्या चोरट्याने नाव आहे. खडकी पोलीस ठाण्यात गुन्हा दाखल करण्यात आला असून पोलीस अन्य आरोपीचा शोध घेत आहेत.
मिळालेल्या माहितीनुसार, तक्रारदार व त्यांचे इतर तीन मित्र दोन दुचाकीवरून पुण्याकडे मुंबई -पुणे महामार्गावरून येत होते. यावेळी तिघांनी त्यांची गाडी अडवत त्यांना शिवीगाळ केली. तसेच, खंडणी मागितली. पण, त्यांनी पैसे देण्यास नकार दिला. त्यावेळी तिघांनी धारधार हत्यार दाखवत लुटले. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…
