Breaking News पुणे : पुण्यातील हडपसर परिसरात गुरु-शिष्याच्या नात्याला काळीमा फासणारी घटना घडली आहे. हडपसर येथील ३५ वर्षीय क्लासचालक व त्याच्याच क्लासमध्ये शिक्षण घेत असलेल्या दहावीच्या विद्यार्थिनीला तिच्याच आईने लॉजवर पकडल्याचा प्रकार समोर आला आहे. हडपसर-सासवड मार्गावर दिवे गावच्या हद्दीतील एका लॉजवर हे दोघे सापडले. ही घटना गुरुवारी (ता.३) रोजी सायंकाळी चारच्या सुमारास उघडकीस आली. (Breaking News)
क्लासमधील अल्पवयीन मुलीला फूस लावून लॉजवर नेल्याने आई व क्लासचालकामधील वाद लॉजवरुन रस्त्यावर व रस्त्यावरुन थेट सासवड पोलिस ठाण्यात पोहोचला. मात्र, घटनेची सुरुवात हडपसर पोलिस ठाण्याच्या हद्दीत झाल्याने हे प्रकरण हडपसर पोलिसांच्या ‘कोर्टा’त ढकलले असल्याची गोपनीय माहिती पुढे आली. (Breaking News)
पोलिस सूत्रांकडून मिळालेल्या माहितीनुसार, हडपसर परिसरातील एका ३५ वर्षीय क्लासचालकाने आपल्याच क्लासमधील दहावीच्या अल्पवयीन मुलीला फूस लावून सासवड मार्गावर दिवे गावच्या हद्दीतील एका लॉजवर नेले. मात्र, ही बाब संबंधित मुलीच्या आईच्या लक्षात आली. त्यामुळे तिच्या आईने दोघांचा पाठलाग करुन दोघांनाही लॉजवर पकडले. (Breaking News)
लॉजवर पकडले जाताच सुरुवातीला गयावया करणाऱ्या शिक्षकाने काही वेळानंतर मुलीला नावे ठेवण्यास सुरुवात केली. प्रकरण अधिक वाढत असल्याचे पाहून लॉजचालकाने क्लासचालक, मुलगी व मुलीच्या आईला लॉजबाहेर जाण्याची विनंती केली. यातून क्लासचालक व मुलीच्या आईमधील वाद वाढल्याचे लक्षात येताच एकाने सासवड पोलिसांना फोन करुन ही माहिती दिली. सासवड पोलिसांकडे प्रकरण जाताच, सासवड पोलिसांनी घटनेची गांभीर्य ओळखून सखोल चौकशी करण्यास सुरुवात केली. तसेच क्लासचालकाच्या विरोधात गुन्हाही दाखल करण्याची तयारी सुरु केली. मात्र, प्रकरणाची सुरुवात हडपसर पोलिस ठाण्याच्या हद्दीत झाल्याने हे प्रकरण हडपसर पोलिसांच्या ‘कोर्टा’त ढकलले. (Breaking News)
दरम्यान, प्रकरण गंभीर असतानाही क्लासचालकाने काही राजकीय नेत्यांच्या माध्यमातून हे प्रकरण दडपण्याचा प्रयत्न केल्याची माहिती पुढे आली आहे. मात्र, मुलगी अल्पवयीन असल्याने पोलिस कारवाई करण्यास हडपसर पोलिसांनी सुरुवात केल्याची माहिती पुढे आली आहे.
