Big Breaking धुळे : मुंबई- आग्रा महामार्गावर भरधाव कंटेनर थेट हॉटेलमध्ये शिरपूर (जिल्हा धुळे) हद्दीतील पळासणेर येथील मध्यप्रदेश बॉर्डरवर ही अपघाताची घटना घडली आहे. (Big Breaking) या अपघातामध्ये १३ जणांचा जागीच मृत्यू झाला आहे. तर 20 ते 25 जण जखमी झाल्याची प्राथमिक माहिती मिळाली आहे. तर मृत्यूचा आकडा वाढण्याची शक्यता व्यक्त केली जात आहे. (Big Breaking)
मिळालेल्या माहितीनुसार, कंटेनर चालकाचा कंटेनरवरील ताबा सुटल्यामुळे ही घटना घडली आहे. या अपघातामध्ये कंटेनरने अनेक वाहनांसह नागरिकांना चिरले. अपघातामध्ये ५ जणांचा जागीच मृत्यू झाला तर 8 जणांचा रुग्णालयात उपचारादरम्यान मृत्यू झाला. या अपघातातील मृतांचा आकडा १३ वर पोहचला आहे.
या अपघातामध्ये २० ते २५ जण जखमी झाले आहेत. जखमींमधील अनेकांची प्रकृती गंभीर आहे. जखमींना लहान मुलं आणि महिलांचा समावेश आहे. या अपघाताचा सीसीटीव्ही व्हिडिओ समोर आला आहे. यामध्ये भरधाव कंटेनरने आधी कारला जोरदार धडक दिली त्यानंतर तो थेट हॉटेलमध्ये घुसला असल्याचे दिसत आहे.
दरम्यान, या अपघाताची माहिती मिळताच नागरिकांनी घटनास्थळी धाव घेत बचावकार्य केले. जखमींना तात्काळ जिल्हा रुग्णालयामध्ये आणि खासगी रुग्णालयामध्ये उपचारासाठी दाखल करण्यात आले.
