सागर जगदाळे
(Bhigwan Accident) भिगवण : पुणे सोलापूर महामार्गावरील मदनवाडी (ता. इंदापुर) ग्रामपंचायत ह्द्दीतील सकुंडे वस्ती येथील रस्त्यावरील गतिरोधकावर दुचाकी आदळून झालेल्या अपघातात २२ वर्षीय तरुणाचा जागेवरच मृत्यू झाला. तर दोघेजण गंभीर जखमी झाल्याची घटना मंगळवारी (ता. १४) रात्री साडे अकरा ते बारा वाजण्याच्या दरम्यान घडली.
धनंजय दामोदर धुमाळ (वय – २२ रा. कुंभारगाव, ता. इंदापुर) असे अपघातात मृत्यूमुखी पडलेल्या तरुणांचे नाव आहे. तर भारत पांडुरंग पोंद्कुले (वय- २३) व किशोर दत्तात्रय घोडके (वय – २२ रा. दोघेहि कुंभारगाव, ता. इंदापुर) असे अपघातात जखमी झालेल्या दोघांची नावे आहेत.
रस्त्यावरील गतिरोधकावर दुचाकी आदळली…!
पोलिसांनी दिलेल्या माहितीनुसार, तक्रारवाडी (ता. इंदापूर) येथील यात्रेनिमित्त आयोजित मनोरंजनाचा कार्यक्रम संपल्यानंतर ते तिघेजण दुचाकीवरून घर निघाले होते. पुणे सोलापूर महामार्गाच्या सेवा रस्त्यावरील मदनवाडी (ता.इंदापुर) गावच्या हद्दीत असलेल्या रस्त्यावरील गतिरोधकावर सदर दुचाकी आदळली. यामध्ये दुचाकी घसरली व तिघेजण गाडीवरून खाली पडले.
दरम्यान, या अपघातांमध्ये धनंजय धुमाळ यांच्या डोक्याला व मणक्याला गंभीर इजा होऊन त्याचा जागीच मृत्यू झाला तर इतर दोघे जण गंभीर जखमी झाले आहे. अधिक तपास भिगवण पोलिस ठाण्याचे सहाय्यक पोलिस निरीक्षक दिलीप पवार यांचे मार्गदर्शनाखाली पोलिस हवालदार समीर करे करीत आहेत.
अधिक बातम्या वाचण्यासाठी येथे क्लिक करा…!
Pune Big Crime News : बायको व मुलाचा खून करून आयटी अभियंत्याने केली आत्महत्या ; औंध परिसरातील घटना!
