Beed News बीड : वारकऱ्यांच्या दिंडीला अपघात झाल्याची बातमी समोर आली आहे. विरुद्ध दिशेने भरधाव वेगात आलेली रिक्षा दिंडीत घुसल्यामुळे अपघात झाला आहे. (Beed News) या अपघातात दोन वारकरी गंभीररित्या जखमी झाले आहेत.
जळगाव जिल्ह्यातील रावेरहून पंढरपूरच्या दिशेने जाणाऱ्या वारकऱ्यांच्या या दिंडीला बीडमध्ये अपघात झाला आहे. अपघाताची माहिती मिळताच स्थानिकांनी मतकार्य केले व जखमी वारकऱ्यांना जिल्हा रुग्णालयात उपचारासाठी दाखल केले.
जळगाव जिल्ह्यातील रावेरहून पंढरपूरच्या दिशेने जाणाऱ्या वारकऱ्यांच्या दिंडीला बीडमध्ये येत असताना रिलायन्स पेट्रोल पंपाजवळ चुकीच्या दिशेने आलेल्या रिक्षा थेट दिंडीत घुसल्याने अपघात झाला. यावेळी एक पत्रकार आणि वारकरी जखमी झाले. दरम्यान, संतप्त स्थानिकांनी रिक्षा चालकाला चोप देत रिक्षाची तोडफोड देखील केली.
