Accident News टेंभुर्णी, (सोलापूर) : पुणे – सोलापूर महामार्गावर (Pune-Solapur highway) पुण्याकडे जाणाऱ्या अज्ञात वाहनाने (unknown vehicle) दुचाकीला ( two-wheeler) दिलेल्या धडकेत सोलापूरातील तिघांचा मृत्यू (three people died in Solapur) झाल्याची घटना घडली आहे. अरण (ता. माढा) ग्रामपंचायत हद्दीत (Aran (Madha) Gram Panchayat area) गुरुवारी (ता. ०४) पहाटे अडीच वाजण्याच्या सुमारास हि घटना घडली आहे. (Accident News)
तेजस सुरेश इंडी (वय २०), लिंगराज शिवनंद हळके (वय २४) व गणेश शरणप्पा शेरी (वय २३, रा. तिघे भवानी पेठ सोलापूर अशी अपघातात मृत्यू झालेल्या तिघांची नावे आहेत.
अरण (ता. माढा) ग्रामपंचायत हद्दीत झाला अपघात
टेंभुर्णी पोलिसांनी दिलेल्या माहितीनुसार, तेजस इंडी, लिंगराज हळके व गणेश शेरी हे तिघे मित्र त्यांच्या मित्राची दुचाकी घेऊन बुधवारी (ता.०३) रात्री पुण्याकडे निघाले होते. अरण (ता. माढा) ग्रामपंचायत हद्दीत आले असता हॉटेल यशवंत कॉटेज जवळ पाठीमागून आलेल्या अज्ञात वाहनाने त्यांच्या दुचाकीस पाठीमागून जोरदार धडक दिली. या भीषण अपघातात दुचाकीवरील तेजस सुरेश इंडी व लिंगराज शिवनंद हळके हे दोघे जबर मार लागल्याने जागीच ठार झाले. तर त्यांचा मित्र गणेश शरणप्पा शेरी हा जबर जखमी झाला.
गणेशला सोलापूर येथील सिव्हिल रुग्णालयात दाखल करण्यात आले होते. मात्र उपचारादरम्यान त्याचाहि मृत्यू झाला. अपघाताची माहिती मिळताच टेंभुर्णी पोलीस ठाण्यातील पोलीस उपनिरीक्षक धनाजी ओमासे, अपघात पथकाचे सहायक पोलीस उपनिरीक्षक अभिमान गुटाळ, पोलीस हवालदार मकबूल तांबोळी हे घटनास्थळी दाखल झाले. त्यांनी दोन मयत व जखमी यांना उचलून मयत यांना टेंभुर्णी येथे प्राथमिक आरोग्य केंद्रात दाखल केले तर जखमीस सोलापूर येथे उपचारास पाठवून दिले.
दरम्यान, तिघेही पुण्यात कामाला होते. व तेथेच राहत होते. ते नातेवाईकांच्या कार्यक्रमास उपस्थित राहून कार्यक्रम आटोपून ते पुण्याकडे परतत असताना त्यांच्यावर काळाने घाला घातला. या अपघाताचा अधिक तपास एपीआय गिरीष जोग हे करीत आहेत.
अधिक बातम्या वाचण्यासाठी येथे क्लिक करा..
