पुणे Accident News : महाराष्ट्र नवनिर्माण सेनेचे अध्यक्ष राज ठाकरे रत्नागिरी दौऱ्यावर असून आज त्यांची मोठी सभा होणार आहे. (Accident News) रत्नागिरीत या सभेची जय्यत तयारी सुरू असताना मनसेतून एक दुदैवी घटना घडल्याचे समोर आले आहे. (Accident News)
राज ठाकरे यांची सभा असली की राज्य भरातून कार्य़कर्ते त्यांच्या सभेला हजेरी लावतात. रत्नागिरीकडे सभेसाठी जात असतानाच मनसे कार्यकर्त्यांच्या गाडीचा अपघात झाला आहे. यामध्ये एकाचा मृत्यू झाला आहे. तर 3 जण जखमी झाले आहेत. त्यामुळे हळहळ व्यक्त केली जात आहे.
या अपघातात मनसेचे दहिसर विभागाचे उपशाखाप्रमुख देवा साळवी यांचा मृत्यू झाला आहे. या अपघातात इतर मनसे सैनिक किरकोळ जखमी झालेत. अपघातात जखमी झालेल्यांना तात्काळ रुग्णालयात दाखल करण्यात आलं. जखमींवर उपचार करण्यात येत असून त्यांची प्रकृती स्थिर असल्याची माहिती आहे.
मनसे नेते संदीप देशपांडे यांनी दु:ख व्यक्त केले
आज झालेल्या अपघातात मनसे सैनिकाचा मृत्यू झाल्यामुळे मनसे नेते संदीप देशपांडे यांनी दु:ख व्यक्त केलं आहे. संदीप देशपांडे म्हणाले की, ”सकाळी ही दुःखद घटना घडली आहे. या अपघातात एका मनसैनिकाचा मृत्यू झाला आहे. बाकी मनसे सैनिक जखमी आहेत.”
दरम्यान, राज ठाकरे हे कालच या सभेसाठी रत्नागिरीला पोहचले आहेत. राज ठाकरे यांची तोफ आज धडाडणार आहे. या सभेसाठी राज्यभरतील मनसेचे कार्यकर्ते रत्नागिरीत दाखल झाले आहेत. रत्नागिरीमध्ये राज ठाकरे यांची सभा आहे. या सभेत राज ठाकरे नेमकं काय बोलणार याकडं संपूर्ण राज्याचं लक्ष लागलं आहे. या सभेतून राज ठाकरे कोणावर निशाणा साधणार, सध्याच्या राजकीय परिस्थितीवर काय बोलणार याकडे सर्वांचं लक्ष लागलं आहे.
