पुणे : पुण्यातील चाकण येथील वासुलीफाटा रोडवर बिरदवडी येथे भरधाव वेगात आलेल्या ट्रकने ओव्हरटेक करताना दुचाकीला जोरदार धडक देत दोन तरुणांना चिरडल्याची घटना घडली आहे. हा अपघात इतका भीषण होता की, त्या तरुणांचा जागीच मृत्यू झाला आहे.
याबाबत मिळालेल्या माहितीनुसार,सुजय कडूसकर आणि सोहम कडूसकर असं अपघातात मृत्यू झालेल्या तरुणांची नावं आहेत. या अपघातात ट्रकच्या चाकाखाली आलेले दोघे तरुण जवळपास १५ ते २० फूट फरफटत नेल्याचा थरार स्थानिक नागरिकांनी सांगितला. या प्रकरणी चाकण पोलिसांनी अपघाताची दखल घेऊन घटनास्थळी पंचनामा केला आहे.
दरम्यान, वांगणी-बदलापूर मुख्य हायवेवर आज सकाळच्या सुमारास भीषण अपघात झाला. या अपघातात दोन वाहनचालक गंभीर जखमी झाले आहेत. पावसाळ्यात हा रस्ता वाहन धारकांसाठी जीवघेणा ठरत आहे.
