भोर / जीवन सोनवणे : सातारा-पुणे महामार्गावर खेड शिवापूर या ठिकाणी गुटका विक्रीसाठी आलेल्या पुणे येथील पती-पत्नीला अटक करण्यात आली. ईश्वर वसना भारती (वय 30) व त्याची पत्नी (दोघेही रा. गुजरवाडी) याच्यावर गुन्हा दाखल करण्यात आला आहे.
पोलिसांनी दिलेली अधिक माहिती अशी की, खेड शिवापूर येथील प्रदीप कांबळे यांना हॉटेल इंडीयाना टपरीजवळ दोन व्यक्ती संशयास्पद दिसून आले. त्यांनी विचारणा केली असता विमल पान मसाला विकण्यासाठी आले आहेत, हे समजले. त्यांनी राजगड पोलिसांना याची माहिती दिली.
त्यानुसार, ईश्वर वसना भारती व त्याची पत्नी हे दोघे दुचाकीवर दोन बॅगेमध्ये असलेल्या विमल व आरएमडी पान मसाल्याच्या 71 पॅकेट व दुसऱ्या बॅगमध्ये आरएमडी पान मसाल्याचे 10 पॅकेट टपरीवाल्यांना विक्री करण्यासाठी घेऊन आल्याचे सांगितले. त्यानुसार या दोघांविरोधात गुन्हा दाखल करण्यात आला. या प्रकरणाचा पुढील तपास पोलीस निरीक्षक अण्णासाहेब घोलप यांच्या मार्गदर्शनाखाली पोलीस उपनिरीक्षक दाजी देठे करत आहेत.
