मुंबई : चारित्र्याच्या संशयाने एका हसत्या खेळत्या संसाराचा अत्यंत दुर्दैवी अंत झाल्याची धक्कादायक घटना समोर आली आहे. संशयापायी एकाच कुटुंबातील दोन जीव गेल्यामुळे परिसरात मोठी हळहळ व्यक्त होत असून, या घटनेमुळे दोन निष्पाप मुलांच्या डोक्यावरील आई-वडिलांचे छत्र कायमचे हरपले आहे.
मिळालेल्या माहितीनुसार, मजीद हनीफ खान (वय 50) हा आपल्या पत्नीच्या चारित्र्यावर विनाकारण संशय घेत असे. यावरून त्यांच्यात नेहमी वाद होत असत. यादरम्यान, 7 नोव्हेंबर 2026 रोजी रात्री एक ते पहाटे पाच वाजण्याच्या सुमारास पतीने संतापाच्या भरात पत्नी तब्बसुम मजीद खान (वय 41 ) हिचा गळा आवळून खून केला. पत्नीचा जीव घेतल्यावर आरोपी पतीने घटनास्थळावरून पळ काढला आणि काही वेळातच रेल्वेखाली आत्महत्या केली.
या दुहेरी घटनेची माहिती मिळताच पोलिसांनी तात्काळ घटनास्थळी धाव घेतली. मृत महिलेचा 18 वर्षाचा मुलगा रेहान मजीद खान याने या प्रकरणी पोलिसांत फिर्याद नोंदवली आहे. सध्या पोलीस या प्रकरणाचा अधिक तपास करत आहेत.
या संपूर्ण प्रकारामुळे एका कुटुंबाचा धुव्वा उडाला असून, या दांपत्याच्या पश्चात असलेली दोन मुले पूर्णपणे पोरकी झाली आहेत. एकाच रात्री घडलेल्या या भयानक घटनेमुळे मुलांचे आयुष्य उद्ध्वस्त झाले असून, केवळ एका संशयामुळे दोन निष्पाप जिवांना आपला प्राण गमवावा लागल्याने नागरिकांमधून तीव्र दु:ख व्यक्त होत आ
