Aayush Prasad : पुणे : पुणे जिल्हा परिषदेचे मुख्य कार्यकारी अधिकारी आयुष प्रसाद यांच्या वाहनाचा अपघात झाल्याची घटना घडली आहे. एकलहरे (ता. आंबेगाव) येथे बुधवारी (ता. ०५) दुपारी अडीच वाजण्याच्या सुमारास पुणे-नाशिक महामार्गावर हा अपघात झाला आहे.
या घटनेत आयुष प्रसाद यांच्या इनोव्हा कारला ट्रकने धडक दिली. या धडकेत इनोव्हा कारचे दोन्ही टायर फुटले. मात्र फक्त दैव बलवत्तर म्हणून मुख्य कार्यकारी अधिकारी आयुष प्रसाद या अपघातातून वाचले.
दरम्यान, सुदैवाने त्यांच्यासोबत असलेले अंगरक्षकही या अपघातातून बचावले. पुण्यावरून जुन्नर येथे केंद्रीय सचिव दौऱ्यासाठी जात असताना ही घटना घडली आहे. मंचर पोलीस स्टेशनमध्ये याबाबत तक्रार दाखल केली गेली आहे. Aayush Prasad
