प्रमोल कुसेकर
Burglary News : मांडवगण फराटा (पुणे) : घरात कोणी नसल्याची संधी साधत भरदुपारी अज्ञात चोरट्यांनी तीन घरे फोडून सोन्या-चांदीच्या दागिन्यांसह ३ लाख ८६ हजार रुपयांचा मुद्देमाल चोरून नेल्याची घटना नागरगाव (ता. दौंड) हद्दीत घडली आहे. या तीन चोरीच्या घटनेने परिसरात घबराट निर्माण झाली आहे. Burglary News
याबाबत एकनाथ विष्णू नलगे (रा. नलगेवस्ती, नागरगाव ता. शिरूर) यांनी शिरूर पोलीस ठाण्यात फिर्याद दिली असून पोलिसांनी अज्ञात चोरट्याच्या विरोधात गुन्हा दाखल केला आहे.
पोलिसांनी दिलेल्या माहितीनुसार, शिरूर चौफुला रोडवर एकनाथ नलगे राहतात. मंगळवारी (ता. ०४) दुपारी साडे बारा ते दीड वाजण्याच्या सुमारास नलगे कुटुंबीय हे लग्नानिमित्त येथील सप्तपती मंगल कार्यालयात गेले होते. एकनाथ नलगे यांच्या घरात अज्ञात चोरट्याने प्रवेश करून घरातील रोख रक्कम चोरून नेली आहे. Burglary News
दरम्यान, संतोष नलगे यांच्या घरातून सोने-चांदीचा मौल्यवान ऐवज चोरी केली आहे. घरात कोणी नसल्याचा फायदा घेत अज्ञात चोरट्यांनी रस्त्यालगत असलेल्या तीन घरांची भर दुपारी घरफोडी करून चोरी केल्याची घटना घडली आहे. या घटनेत तब्बल तीन लाख ८६ हजारांचा ऐवज चोरीला गेला आहे. या घटनेचा पुढील तपास पोलीस उपनिरीक्षक एकनाथ पाटील करत आहेत. Burglary News
