नवी दिल्ली : सध्या अनेक स्मार्टफोन मार्केटमध्ये उपलब्ध आहेत. सॅमसंग, रिअलमी, एलजी यांसारख्या कंपन्यांकडून नवनवीन स्मार्टफोन्स लाँच केले जात आहेत. त्यात आता प्रसिद्ध स्मार्टफोन निर्माता कंपनी Xiaomi ने नवा 14 Civi स्मार्टफोन लाँच केला आहे. या स्मार्टफोनमध्ये 50 MP कॅमेरासह अनेक बेस्ट फिचर्स आहेत.
Xiaomi या कंपनीचा नवीन फ्लॅगशिप स्मार्टफोन आहे. हा स्मार्टफोन Leica ऑप्टिकल लेन्स सपोर्टसह येईल. या फोनमध्ये 32MP ड्युअल फ्रंट कॅमेरा देण्यात आला. त्याचे दोन्ही फ्रंट कॅमेरे 32MP चे असणार आहेत. याशिवाय, 50 MP चा मुख्य रिअर कॅमेरा देण्यात आला आहे. 12MP 120 डिग्री अल्ट्रा वाईड अँगल लेन्स मिळणार आहे. यात 50 MP पोर्ट्रेट लेन्स देण्यात येणार आहे.
Xiaomi च्या या फोनमध्ये 4700mAh बॅटरी देण्यात आली असून, जी 67W टर्बो फास्ट चार्ज सपोर्टसह येईल. Vivid 1.5K 120Hz AMOLED डिस्प्ले यामध्ये देण्यात आला आहे. Snapdragon 8s Gen 3 SoC चिपसेट सपोर्ट मिळणार आहे. हा स्मार्टफोन 69,999 रुपयांमध्ये खरेदी करता येणार आहे.
