सागर घरत
करमाळा : करमाळा तालुक्यातील पश्चिम भागामध्ये घरतवाडी, कुंभारगाव व आजूबाजूच्या गावांमध्ये भुरट्या चोरांनी दहशत माजवली आहे. बकऱ्या, विद्युत मोटार, केबल चोरी या घटना ताज्या असतानाच आज ३ फेब्रुवारीला पहाटे घरत वाडीतील दोन मोटार सायकल चोरी करण्याचा प्रयत्न फसला आहे.
एम एच 45 क्यू 1852 ही मोटार सायकलचे लॉक तुटले नाही म्हणून चोरट्यांनी दुचाकी कॅनॉल मध्ये ढकलून तेथून पळ काढला. यामुळे परिसरात भीतीचे वातावरण पसरले आहे.
अशा भुरट्या चोरांवर पोलिसांचा अंकुश नाही का? असा प्रश्न ग्रामस्थांमध्ये उपस्थित होत आहे . पोलीस प्रशासनाने चोरांच्या मुस्क्या आवळल्या पाहिजे आणि त्यांच्यावर कारवाई केली पाहिजे अशी ग्रामस्थांची मागणी आहे.
