हृदयद्रावक! शेतातून घरी परतताना सख्ख्या बहिणींचा विहिरीत पडून मृत्यू

कोल्हापूर : कागल तालुक्यातील मूळ पिराचीवाडीमध्ये राहणाऱ्या दोन चिमुकल्या सख्ख्या बहिणींचा बुधवारी (17 जानेवारी) विहिरीत पडून मृत्यू झाला. आराध्या भोसले आणि आरोही भोसले अशी दोन चिमुकल्या बहिणींची नावे आहेत. दोन चिमुकलींच्या करुण अंत झाल्याने हळहळ व्यक्त करण्यात येत आहे. ही दुर्दैवी घटना कसबा वाळवे (ता. राधानगरी) याठिकाणी घडली.

ऊसाला पाणी देण्यासाठी गेल्या
मिळालेल्या माहितीनुसार, आराध्या आणि आरोही वडिल सुरेश भोसले यांच्यासोबत शेतामध्ये ऊसाला पाणी पाजण्यासाठी गेल्या होत्या. कागी वेळाने वडिलांनी मुलींना घरी परत जाण्यास सांगितले. दरम्यान, ऊसाला पाणी देऊन झाल्यानंतर मुलींची आई अश्विनी सुद्धा घरी गेल्या. मात्र, घरी पोहोचताच दोन्ही मुली घरी पोहोचल्या नसल्याचे लक्षात आले. यानंतर आई वडिलांनी त्यांची शोधाशोध केली.

विहिरीवर चपला दिसल्या
दरम्यान, शोध सुरु असतानाच विहिरीवर दोन्ही मुलींच्या चपला दिसून आल्या. त्यामुळे ग्रामस्थांनी विहिरीत उतरून शोध घेतला असता दोन्ही मुलीचे मृतदेह सापडले.