कराड: साताऱ्याजवळ (Bus Accident) कराडजवळील वाठार गावाच्या हद्दीत विद्यार्थ्यांची बस सुमारे 20 फूट खोल दरीमध्ये कोसळली. अपघाताचा आवाज ऐकून वाठार येथील ग्रामस्थांनी त्वरित घटनास्थळी धाव घेतली आणि तातडीने बचावकार्य सुरू केले. ग्रामस्थांनी प्रयत्न करून जखमी विद्यार्थ्यांना दरीतून बाहेर काढले. या दुर्घटनेत पाच विद्यार्थी गंभीर जखमी झाले आहेत, तर पंधरापेक्षा जास्त विद्यार्थ्यांना किरकोळ दुखापती झाल्या आहेत. अपघातात जखमी झालेल्या सर्व विद्यार्थी आणि शिक्षकांना उपचारासाठी जवळील रुग्णालयात दाखल करण्यात आले आहे.
लेट बी. पी. ज्युनियर कॉलेज ऑफ सायन्स, पिंपळगाव बसवंत या महाविद्यालयातील विद्यार्थी सहलीसाठी गेले असता हा भीषण अपघात घडला होता. समोर आलेल्या माहितीनुसार, बसमध्ये एकूण 40 ते 45 विद्यार्थी आणि त्यांचे शिक्षक उपस्थित होते.
घटनेप्रकरणी अधिक माहितीदेतांना पोलिसांनी सांगितले कि, अपघाताचे नेमके कारण अद्याप स्पष्ट झालेले नाही, पण बस चालकाचे नियंत्रण सुटल्यामुळे ही दुर्घटना घडली असावा, असा प्राथमिक अंदाज व्यक्त केला जात आहे.
