Ambadas Danve On Ranjit Nimbalkar : येथील फलटण उपजिल्हा रुग्णालयातील महिला डॉक्टर आत्महत्या (Doctor Sampada Munde Suicide) प्रकरणाने संपूर्ण राज्यात खळबळ उडाली आहे. याप्रकरणात आता धक्कादायक माहिती समोर येत आहे. या महिलेने आत्महत्या करण्याअगोदर लिहिलेल्या एका पत्रात एका खासदार आणि त्यांच्या स्वीय सहाय्यकाचा उल्लेख केला आहे. पत्रात उल्लेख असलेले त्या खासदारचं नाव थेट ठाकरे गटाच्या नेत्याने घेतलं आहे.
ठाकरे गटाचे नेते अंबादास दानवे (Ambadas Danve) यांनी त्या पत्रात दुसरं कोणाचा ऊल्लेख नसून ते भाजप म्हाडाचे माजी खासदार रणजित निंबाळकर (Ranjit Nimbalkar) व त्यांचे स्वीय सहायकांचं नाव असल्याचा गंभीर आरोप केला आहे.
अंबादास दानवे यांनी आरोप केला की, माजी खासदार रणजित निंबाळकर यांचे स्वीय सहाय्यक राजेंद्र शिंदे आणि नागटिळक यांनी डॉक्टर संपदा यांच्यावर वैद्यकीय प्रमाणपत्र देण्यासाठी फोनद्वारे दबाव आणला होता. या गैरवर्तनाबाबत डॉक्टरांनी 19 जून 2025 रोजी पोलिसांना लेखी तक्रार देखील केली होती. त्यानंतर 13 ऑगस्ट 2025 रोजी त्यांनी माहितीच्या अधिकाराअंतर्गत पुढे काय चौकशी झाली? याची चौकशी देखील केली होती. मात्र, पोलिस प्रशासन आणि राजकीय नेत्यांकडून होत असलेल्या सततच्या दबावामुळे डॉक्टरांनी आत्महत्या केली. असा गंभीर आरोप अंबादास दानवे यांनी केला आहे.
तसेच या प्रकरणात रणजित निंबाळकर यांना सहआरोपी करण्यात यावे अशी मागणी त्यांनी केली आहे.
