नागपूर: नागपूर जिल्ह्यातील उमरेड (Crime News) शहरात काल शनिवारी दुपारी (Nagpur News) घडलेल्या दुहेरी हत्याकांडाने संपूर्ण परिसर हादरून गेला आहे. गांगापूर (Nagpur Crime) कालवा परिसरातील झोपडपट्टीत (Umred News) दारूच्या नशेत असलेल्या शेजाऱ्याने किरकोळ वादातून माय-लेकींची निर्घृण हत्या केल्याची धक्कादायक घटना घडली. या घटनेत पार्वता शंकर फुकट (वय 65) आणि त्यांची मुलगी संगीता वसंता रिठे (वय 40), दोघीही गांगापूर, उमरेड येथील रहिवासी असून घटनास्थळीच त्यांचा मृत्यू झाला. या प्रकरणातील आरोपी नितेश किसन ठाकरे (वय 31), रा. गांगापूर झोपडपट्टी, उमरेड याला पोलिसांनी तात्काळ अटक केली आहे. (Latest Marathi News)
दारूचं व्यसन अन् वारंवार वाद
मिळालेल्या माहितीनुसार, आरोपी नितेश ठाकरे आणि मृतक माय-लेकी शेजारीच राहत होते. नितेशला दारूचे व्यसन असून तो नशेत असताना परिसरातील लोकांशी वारंवार वाद घालत असल्याची माहिती समोर आली आहे. यापूर्वीही आरोपी आणि मृतकांमध्ये अनेकदा वाद झाले होते. काल शनिवारी दुपारी सुमारे 12.30 वाजताच्या सुमारास मृतकांच्या घरासमोर नितेश ठाकरे आणि पार्वता फुकट यांच्यात किरकोळ कारणावरून वाद झाला. हा वाद काही वेळातच तीव्र झाला.
लाकडी दांडक्याने मारहाण
वादाच्या भरात दारूच्या नशेत असलेल्या नितेशने जवळच असलेला लाकडी दांडा उचलून पार्वता फुकट यांच्या डोक्यावर जोरदार वार केला. आईवर हल्ला होत असल्याचे पाहून मुलगी संगीता रिठे आईला वाचवण्यासाठी मध्ये पडली. मात्र आरोपीने तिच्याही डोक्यावर लाकडी दांड्याने वार केले. या हल्ल्यात दोघीही रक्ताच्या थारोळ्यात खाली कोसळल्या आणि घटनास्थळीच त्यांचा मृत्यू झाला.
परिसरात खळबळ
घटनेची माहिती मिळताच उमरेड पोलीस ठाणे येथील पोलीस निरीक्षक धनाजी जळक यांच्यासह पोलीस पथकाने घटनास्थळी धाव घेतली. पोलिसांनी मृतदेह ताब्यात घेऊन शवविच्छेदनासाठी पाठवले. या प्रकरणी फिर्यादी स्मिता पंकज जुमडे (वय 36) यांच्या तक्रारीवरून भारतीय न्याय संहितेच्या कलम 103 (1) अन्वये गुन्हा दाखल करण्यात आला आहे. आरोपीला अटक करण्यात आली असून पुढील तपास उमरेड पोलीस करीत आहेत. भरदिवसा घडलेल्या या घटनेमुळे उमरेड शहरासह संपूर्ण नागपूर जिल्ह्यात भीतीचे वातावरण पसरले आहे.
