मुंबई : महाराष्ट्र विधानसभा निवडणूक 2024 ची रणधुमाळी सुरु झाली आहे. त्यामुळे सध्या राजकीय घडामोडींना वेग आला आहे. अशातच ऐन विधानसभा निवडणुकीत शिवसेना उद्धव बाळासाहेब ठाकरे पक्षात निलंबनाची कारवाई करण्यात आली आहे. उद्धव ठाकरे यांनी पाच नेत्यांना निलंबित केलं आहे. यामध्ये माजी आमदार रुपेश म्हात्रे, विश्वास नांदेकर, चंद्रकांत घुगूल, संजय आवारी आणि प्रसाद ठाकरे यांची ठाकरेंच्या शिवसेनेतून हकालपट्टी करण्यात आली आहे.
शिवसेना अध्यक्ष उद्धव ठाकरे यांनी मंगळवारी कोल्हापुरात निवडणूक प्रचाराला सुरुवात केली. पक्षविरोधी कारवाया केल्यामुळे पक्षातून हकालपट्टी करण्यात आली. शिवसेना ठाकरे गटाच्या मध्यवर्ती कार्यालयातून ही माहिती देण्यात आली.
भिवंडी पूर्व विधानसभा मतदारसंघातून रुपेश म्हात्रे यांनी अपक्ष म्हणून निवडणूक लढवण्याचा निर्णय घेतला आणि या मतदारसंघात बंडखोरी केली. आघाडीचा धर्म पाळला नाही शिवाय पक्ष विरोधी वक्तव्य केल्याने ही हकालपट्टी करण्यात आली आहे. भिवंडी पूर्व विधानसभा मतदारसंघातून रुपेश म्हात्रे यांनी अपक्ष म्हणून निवडणूक लढवण्याचा निर्णय घेतला आणि या मतदारसंघात बंडखोरी केली. आघाडीचा धर्म पाळला नाही शिवाय पक्ष विरोधी वक्तव्य केल्याने ही हकालपट्टी करण्यात आल्याचं सांगण्यात आलं आहे.
भाजपला मदत करणारे महाराष्ट्राचे शत्रू आहेत, असा हल्लाबोल उद्धव ठाकरे यांनी केला. महाराष्ट्रातील सर्व 288 जागांसाठी 20 नोव्हेंबरला एकाच टप्प्यात मतदान होणार आहे, तर मतमोजणी 23 नोव्हेंबरला होणार आहे.
