Sharad Pawar Mango – सोलापूर : अरण (ता. माढा, जिल्हा सोलापूर) येथील शेतकरी दत्तात्रय गाडगे यांनी बागेतील आंब्याच्या झाडांवर विविध प्रयोग करत तब्बल अडीच किलोच्या आंब्याचे उत्पादन केले आहे. (Sharad Pawar Mango) या बागेत अडीच किलो आंब्याची जवळपास २० ते २५ झाडं आहेत. आणि या आंब्याला ‘शरद मँगो’ म्हणजेच शरद पवार आंबा, असे नाव दिले आहे. (Sharad Pawar Mango) हे नाव देण्यामागचे शेतकऱ्याने कारण सांगितले आहे. (Sharad Pawar Mango)
शरद पवार यांची फळबाग योजना
राज्याचे मुख्यमंत्री असताना शरद पवार यांनी फळबाग योजना आणली होती. त्याच योजनेतून आम्ही ८ एकर शेतजमिनीत जवळपास ७ हजार केशर आंब्याची रोप लावली आहेत. या अडीच किलोच्या आंब्याला शरद पवार म्हणजेच शरद मँगो, असे नाव दिले आहे.
दत्तात्रय गाडगे यांनी अडीच किलोचा आंबा उत्पादन करण्यासाठी एकाच झाडावर कलम करून विविध प्रकारचे आंबे घेतले. त्यामध्ये केशर आंब्याच्या झाडावर विविध प्रयोग केले. होमिओपॅथीचे विविध औषधांचा वापर केला. देशात प्रथमच अडीच किलोचा आंबा उत्पादन झाल्याने बारामती कृषी महाविद्यालयात असलेल्या शास्त्रज्ञांना दाखविले.
बारामती कृषी विज्ञान केंद्र आणि बारामती अग्रिकल्चर डेव्हलोपमेंट ट्रस्टचे राजेंद्र पवार यांनी याबाबत अधिक अभ्यास करण्यासाठी पुढाकार घेतला. मागील ४-५ वर्षांपासून बारामती KVK येथे तेथील वैज्ञानिक यांचे निरीक्षणाखाली शेतीमध्ये पिकावर होमिओपॅथी खते आणि औषधांचा वापराचा अभ्यास करण्यात आला.
दरम्यान, राजेंद्र पवार आणि डॉ. वीरेंद्र कुमार पाटील यांच्या अथक परिश्रमाने पिकावर होमिओपॅथी औषधांचा वापर करण्याचा प्रयोग यशस्वी झाला आणि अडीच किलो वजनी आंब्याचे भरघोस उत्पादन केले. बारामती कृषी महाविद्यालयातील शास्त्रज्ञांनी आंबा महोत्सवाला भेट दिली. या महोत्सवात येणारे ग्राहक शरद मँगोकडे अधिक आकर्षित होत आहेत. शरद आंब्याला अधिक मागणी करत आहेत.
अधिक बातम्या वाचण्यासाठी येथे क्लिक करा :
Election | इंदापूर कृषी उत्पन्न बाजार समितीवर शेतकरी विकास पॅनलची एकहाती सत्ता…
