लहू चव्हाण
Pachgani News : पाचगणी : विविध ठाण्यांमधील निकोप स्पर्धा वाढीस लागावी, कायदा व सुव्यवस्था राखणे, गुन्ह्यांना प्रतिबंध, दोषसिद्धी यात सुधारणा व्हावी. दिलेल्या मर्यादेत उत्कृष्ट रितीने काम करणे तसेच गुन्हेगारीला प्रतिबंध आणि गुन्हा तपास आदी हेतू साध्य करण्यासाठी जिल्ह्यातील सर्व पोलीस ठाण्यांच्या कामकाजाचा सातारा पोलीस अधीक्षक समीर शेख हे प्रत्येक महिन्यात आढावा घेतात. त्यामध्ये सर्वोत्कृष्ट कार्य पार पाडलेल्या पोलीस ठाण्यांचे प्रभारी अधिकारी तसेच अंमलदारांचा प्रमाणपत्र, पुरस्कार देऊन गौरव करतात.
पोलीस अधीक्षक समीर शेख यांच्याकडून कौतुक
ऑगस्ट 2023 या महिन्यात पाचगणी पोलीस स्टेशनने सर्वात जास्त दोषसिद्धी प्राप्त करून संपूर्ण जिल्ह्यात सर्वोत्तम कामगिरी केली आहे. (Pachgani News) त्याबद्दल पाचगणी पोलीस ठाण्याचे प्रभारी तथा सहाय्यक पोलीस निरीक्षक राजेश माने यांच्यासह अमलदारांचा सातारा जिल्ह्याचे पोलीस अधीक्षक समीर शेख यांनी पुरस्कार देऊन गौरव केला. याबद्दल पाचगणी पोलिसांचे सर्व स्तरातून कौतुक होत आहे.
अधिक बातम्या वाचण्यासाठी येथे क्लिक करा :
Pachgani News : ई- केवायसी प्रकिया पूर्ण करण्याचे पाचगणी नगरपरिषदेचे आवाहन
Pachgani News : भिलार येथे पंतप्रधानांच्या हस्ते ऑनलाईन प्रणालीद्वारे कौशल्य विकास केंद्राचे उद्घाटन
Pachgani News : पाचगणीतील विद्यार्थ्यांनी अमृत कलशामध्ये पवित्र माती टाकत घेतली पंचप्राण शपथ
