लहू चव्हाण
पाचगणी : श्री स्वामी समर्थ महाराजांच्या पालखी व पादुकांचे दर्शन आणि सेवा संपूर्ण महाराष्ट्रातील स्वामीभक्तांना करता यावी यासाठी स्वामींचे मूळ स्थान असलेल्या श्री क्षेत्र अक्कलकोट येथून परिक्रमा करत निघालेल्या पालखीचे पाचगणी शहरात शनिवार (२१जानेवारी) सकाळी आगमन होणार आहे.
हा पालखी सोहळा सकाळी ८ वाजता बस स्थानकासमोरील ‘जॅम शॉपी’ येथे स्वामी भक्तांच्या उपस्थितीत स्वामी पादुकांचा अभिषेक करण्यात येणार असून त्यानंतर गावठाण व बाजपेठेतून पालखी प्रदक्षीणा होणार आहे.
दु. १२.०० वा शांत कॉटेज येथे आरती व महाप्रसादाचे आयोजन करण्यात आले आहे. शहर व परिसरातील सर्व स्वामी भक्तांनी दर्शन व महाप्रसादाचा लाभ घ्यावा अशी विनंती करण्यात आली आहे.
