Hingoli News : हिंगोली : नरेंद्र मोदी पुन्हा पंतप्रधान झाले नाहीत, तर भरचौकात फाशी घेईल, असे वक्तव्य संतोष बांगर यांनी केले होते. त्यांच्या या चॅलेंजवर ठाकरे गटाचे माजी आमदारांनी संतप्त प्रतिक्रीया दिला आहे. तुम्हाला फाशी घ्यायची गरज नाही, जनताच तुम्हाला फाशी देईल. त्यावेळी आम्ही तिथे जल्लोष करायला येऊ, असे शिवाजीराव चोथे म्हणाले. ते जालना येथे बोलत होते.
या राज्यात जनतेने चांगले-चांगले राजे-महाराजे, मोठमोठ्या सलतनती उलथवून टाकल्या आहेत. त्यापुढं ‘तूम किस झाड की पत्ती हो’, बांगर एवढा माज चांगला नाही. एकदा निवडणूक येउ द्या, जनता तुम्हाला फाशी दिल्याशिवाय राहणार नाही. तेव्हा आम्ही तिथे येऊन जल्लोष करू, अशा शब्दात ठाकरे गटाचे माजी आमदार शिवाजीराव चोथे यांनी संतोष बांगर यांच्या त्या वक्तव्यावर प्रत्युत्तर दिले आहे.
संतोष बांगर आणि वाद
संतोष बांगर आणि वाद काही नवा नाही. ते अनेकदा वादात अडकले आहेत. 26 जून 2022 शिवसेनेसोबत बेईमानी करणाऱ्यांच्या बायका त्यांच्यावर विश्वास ठेवणार नाहीत त्यांची मुले अविवाहित मरतील या विधानानंतर वाद झाला होता. 17 जुलै 2022 गद्दार म्हणणाऱ्यांच्या कानाखाली आवाज काढा या विधानानंतर मोठा वाद झाला.
