लहू चव्हाण
Pachgani News | पांचगणी : पांचगणी स्पोर्ट सोशल फाउंडेशन, पांचगणी बॉडी बिल्डिंग फेडरेशन, महाबळेश्वर तालुका बॉडी बिल्डिंग फेडरेशन, सातारा जिल्हा बॉडी बिल्डिंग फेडरेशन यांच्या संयुक्त विद्यमाने आज ( दि. १८ मार्च) सायंकाळी साडेसात वाजता पाचगणी येथील भाऊसाहेब भिलारे स्टेडियमवर शरीर सौष्ठव स्पर्धेचे आयोजन करण्यात आल्याची माहिती महेंद्र सावंत (लालू सावंत), तालुका अध्यक्ष विठ्ठलशेठ गोळे, सातारा जील्हा अध्यक्ष राजेंद्र हेन्री, आरिफ भाई, यांनी दिली आहे.
सातारा जिल्हा शरीरसौष्ठव संघटना, पश्चिम महाराष्ट्र शरीरसौष्ठव संघटना यांच्या मान्यतेने…
ही स्पर्धा सातारा जिल्हा शरीरसौष्ठव संघटना, पश्चिम महाराष्ट्र शरीरसौष्ठव संघटना यांच्या मान्यतेने भरविण्यात आली आहे. स्पर्धेत सातारा, सांगली, सोलापूर व कोल्हापूर या चार जिल्ह्यातील स्पर्धकांमध्ये होत असून यामध्ये सुमारे १०० स्पर्धक सहभागी होत असल्याचेही आयोजकांनी दिली.
या स्पर्धेचे प्रमुख आकर्षण मुंबई सी एम् श्री निलेश दगडे, मैन फिजिक चॅम्पियन देवराज निकम, गौरव यादव, फय्याज शेख हे असणार आहेत.
शालोम इंटरनॅशनल स्कूलचे आरिफ भाई यांचे या स्पर्धेसाठी मोलाचे योगदान लाभणार असून अशा प्रकारच्या स्पर्धा पहिल्यांदाच पांचगणी येथे होत आहेत. यासाठी पांचगणी करांनी ही स्पर्धा आपली समजून जास्तीत जास्त संख्येने हजर राहून स्पर्धकांना प्रोत्साहन द्यावे असेही आवाहन यावेळी करण्यात आले. स्पर्धेसाठी राजेंद्र मोरे, विशाल यादव, विशाल परिहार, पृथ्वीराज कासूर्डे यांचे सहकार्य लाभणार आहे.
