पिंपरी: घरी जाण्यासाठी निघालेल्या तरुणीला अडवून तिच्याशी गैरवर्तन करणाऱ्या एका तरुणाला पिंपरी पोलिसांनी अटक केली आहे. ही घटना रविवारी 28 जानेवारीला पिंपरीतील अजमेरा कॉलनी येथे घडला आहे. याप्रकरणी तरुणीने पिंपरी पोलीस ठाण्यात फिर्याद दिली आहे. त्यानुसार पोलिसांनी अक्षय हुलावळ (वय 20 रा. पिंपरी) याला अटक केली आहे.
पोलिसांनी दिलेल्या माहितीनुसार, फिर्यादी या किराणा सामान घेऊन घरी जात असताना आरोपीने त्यांचा पाठलाग केला व त्यांना अडवून त्यांच्याशी गैरवर्तन केले. तसेच त्यांच्याशी लगट करण्याचा प्रयत्न केला असता फिर्यादीने विरोध केला. त्यानंतर आरोपीने त्यांचा अपमान केला. यावरून पिंपरी पोलीस ठाण्यात आरोपी अक्षय हुलावळ विरोधात विनयभंगाचा गुन्हा दाखल केला असून पोलीस पुढील तपास करत आहेत.
