राहुलकुमार अवचट
Yavat News : यवत : यवत पोलीस स्टेशनच्या हद्दीतील पाटस येथे दरोड्याच्या तयारीत असलेल्या सराईत टोळीला जेरबंद करण्यात पोलिसांना यश आले. या टोळीकडून एक गावठी पिस्टल, काडतुस, कोयता, कटावणी, चारचाकी वाहन असे मिळून ४ लाख ४९ हजार ५०० रुपयांचा मुद्देमाल जप्त करण्यात आला.
कारसह साडेचार लाखांचा मुद्देमाल जप्त
दत्ता अशोक शिंदे (वय २८ रा.राहू ता.दौंड जि. पुणे), सचिन लक्ष्मण भोसले (वय ३९ रा.आष्टी. जि. बीड), सचिन संतोष बेलदार (वय २१ रा.येवला जि .नाशिक), मल्हार अंबादास अडागळे (वय २४ रा. रवळगाव ता.कर्जत जि .अहमदनगर) अशी अटक केलेल्या आरोपींची नावे आहेत. शनिवारी (दि.१२) पहाटे चारच्या सुमारास पाटस गावच्या (Yavat News) हद्दीत सोलापूर-पुणे महामार्गलगत तलावाच्या बाजूला दरोड्याच्या तयारीत असलेले सराईत मिळून आले तर मामा उर्फ मैत्रीण रिकेबी (रा.कुर्डुवाडी ता.माढा जि. सोलापूर) हा पळून जाण्यात यशस्वी झाला. पोलिसांनी या चौघांकडून ४ लाख ४९ हजार ५०० रूपयांचा मुद्देमाल जप्त करण्यात आला.
याप्रकरणी आरोपी दत्ता शिंदे, सचिन भोसले, सचिन बेलदार यांच्यावर यवत पोलीस स्टेशन येथे गुन्हा दाखल करण्यात आला. हे सर्व आरोपी रेकॉर्डवरील गुन्हेगार असून, आरोपींकडे प्राथमिक चौकशी केली असता सदर आरोपींनी यवत पोलीस स्टेशन, शिरूर, मिरजगाव पोलीस स्टेशन (Yavat News) हद्दीत डीपी चोरीचे गुन्हे केल्याचे कबूल केले आहे. आरोपींकडे सखोल तपास करून जास्तीत जास्त गुन्हे उघडकीस येण्याची शक्यता असून, पुढील तपास पोलीस उपनिरीक्षक नागरगोजे करत आहेत.
अधिक बातम्या वाचण्यासाठी येथे क्लिक करा :
Yavat News : यवत बस स्थानकावर वेळापत्रक लावण्याची प्रवाशांची मागणी
Yavat News : कोरमअभावी यवत येथील विशेष ग्रामसभा तहकूब..
Yavat News : आई-वडीलांना जिवे मारण्याची धमकी देत, नववीतील विद्यार्थिनीवर वारंवार बलात्कार
