Wagholi News : लोणी काळभोर, (पुणे) : जिल्हा ग्रामीण व शहर पोलीस ठाण्याच्या हद्दीत चोरीच्या ८ गुन्ह्यात मागील ११ महिन्यांपासून फरार असलेल्या आरोपीला गुन्हे शाखा युनिट ६ च्या पोलिसांनी वाघोली (ता. हवेली) येथून जेरबंद केले आहे. (Wagholi News)
ओंकार राजेश मोरे वय – १९, रा. स. न.१४, रामनगर, येरवडा पुणे असे अटक करण्यात आलेल्या आरोपीचे नाव आहे.
पोलिसांनी दिलेल्या माहितीनुसार, सोमवारी (ता. २६) गुन्हे शाखा युनिट ६ कडील अधिकारी व अंमलदार हे युनिट हद्दीत गस्त घालीत असताना पोलीस नाईक रमेश मेमाणे व पोलीस अंमलदार ऋषीकेश ताकवणे यांना एका खबऱ्याकडून माहिती मिळाली की, वाहन चोरी करणारा व वाहनातून बॅटरी चोरी करणारा पाहिजे आरोपी ओंकार मोरे हा चोखी धानी रोड वाघोली पुणे येथे थांबलेला आहे. (Wagholi News)
मिळालेल्या माहितीच्या अनुशंघाने वरिष्ठांना सदरची माहिती देऊन त्यांनी दिलेल्या आदेशानुसार धानी रोड वाघोली येथे जावून मोरे याला ताब्यात घेतले. त्याच्याकडे अधिक चौकशी केली असता त्याने त्याचा साथिदार शुभम जांभूळकर याचेसोबत वाहन चोरीचे ४ गुन्हे व वाहनातील बॅटरी चोरीचे ७ गुन्हे असे एकूण ११ गुन्हे केल्याची कबुली दिली आहे. (Wagholi News)
दरम्यान, मोरे याने हडपसर, लोणावळा, शिक्रापूर, पाथर्डी, वानवडी, निगडी, खडकवासला, सिंहगड रोड, हडपसर, चाकण, पोलीस ठाण्याच्या हद्दीत चोरी केल्याचे निष्पन्न झाले आहे. आरोपीची वैद्यकिय तपासणी करून त्याला पुढील तपासासाठी हडपसर पोलिसांच्या ताब्यात दिले आहे.
सदरची कामगिरी गुन्हे शाखा युनिट ६ पोलीस उपनिरीक्षक भैरवनाथ शेळके, पोलीस हवालदार मच्छिंद्र वाळके, रमेश मेमाणे, विठ्ठल खेडकर, प्रमोद मोहिते, ऋषीकेश ताकवणे, ऋषीकेश व्यवहारे, सचिन पवार यांनी केलेली आहे. (Wagholi News)
