Pune: अरिजीत सिंग 16 मार्च 2025 रोजी पुण्यात लाइव्ह परफॉर्मन्स देणार आहे. दरम्यान, वाहतूक कोंडी टाळण्यासाठी, पिंपरी चिचवड वाहतूक पोलिसांनी वाहतूक निर्बंध जारी केले आहेत. 16 मार्च रोजी, प्लांटोस व्हेंचर प्रायव्हेट लिमिटेड द्वारे आयोजित अरिजित सिंगचा लाईव्ह संगीत कार्यक्रम पिंपरी-चिंचवड पोलिस आयुक्तालयाच्या हद्दीतील गहुंजे स्टेडियम येथे होणार आहे. या कार्यक्रमाला मोठी गर्दी होणार आहे. दुपारी 2:00 पासून गेट्स उघडतील, शो संध्याकाळी 5:00 वाजता सुरू होईल. या कार्यक्रमामुळे वाहतूक कोंडी टाळण्यासाठी, पिंपरी चिचवड वाहतूक पोलिसांनी वाहतूक निर्बंध जारी केले आहेत. यामध्ये रस्ते आणि पर्यायी मार्ग बंद करण्याची घोषणा केली आहे. ज्यामुळे परिसरात वाहतूक कोंडी होऊ शकते आणि कायदा आणि सुव्यवस्थेचा प्रश्न निर्माण होऊ शकतो. या पार्श्वभूमीवर, सुरक्षित आणि सुरळीत वाहतूक प्रवाह सुनिश्चित करण्यासाठी, खालील वाहतूक निर्बंध लागू करण्यात येत आहेत.
पुण्याहून येणारी वाहने-
निगडी, हँगिंग ब्रिजवरून येणारी वाहने रावेत चौक, भोंडवे चौक, कृष्णा चौक येथून उजवीकडे वळतील आणि स्टेडियमकडे जाऊ शकता.
पुणे बंगळुरू महामार्गावरून (पवनाडी पुलानंतर) येणाऱ्या वाहनांनी किवळे पुलावरून डावीकडे वळावे, सर्व्हिस रोडने स्टेडियमकडे जावे लागणार आहे.
गहुंजे ब्रिजवरून वाय जंक्शनपर्यंत फक्त कार पासधारक आणि अत्यावश्यक सेवा देणाऱ्या वाहनांना परवानगी असेल.
पर्यायी मार्ग:
मामुर्डी गावातील रुहिज बिर्याणी ते मासुलकर फार्मकडे जाणारी वाहने बंद
पर्यायी मार्ग: मामुर्डी जकातनाका.
कार्यक्रमानंतर, मुकाई चौक आणि किवळे अंडरपास मार्गे मुंबई आणि किवळेकडे जाण्याचा मार्ग बंद
मरीमाता चौक ते किवळे नाला ते मासुलकर फार्मकडे जाण्याचा मार्ग बंद
पर्यायी मार्ग: कृष्णा चौक.
पर्यायी मार्ग: मुकाई चौक, समीर लॉन्स, किवळे गाव कडून डावीकडे जाऊ शकतो.
